Dahil sa pursigidong matuto si Archer at sa kagustuhan niyang masigurado na hindi na mauulit ang nangyari kagabi ay nagpaturo siya kay Karen kung paano gumamit ng navigation system sa dashboard. Matiyaga naman siyang tinuruan nito sa lahat ng mga dapat niyang malaman pagdating sa sasakyan.
Nang araw na iyon ay hindi lumabas si Tiffa. Sumakit ang ulo niya kagabi dahil sa sari-saring alak na nainom nila ng kaniyang mga kaibigan at ilan pa nilang mayayamang barkada.
Ala una na ng hapon ng magising siya, nakaramdam siya ng matinding pagkalam ng sikmura kaya naman bumangon siya sa kaniyang kama. Napangiwi siya ng maramdaman ang biglang pagkirot ng kaniyang ulo kaya muli siyang naupo sa gilid ng higaan at pilit na pinakalma ang sarili. Hindi pa rin pala nawala ang sakit ng ulo niya kahit na n
