Nagulat ako sa narinig ko sa kaniya kaya lang nakabawi agad ako. Naningkit ang mata ko at may pagdududa na tinitigan siya. Kunot ang noo niya sa akin.
“Bakit mo ako pinupuri? Tatawad ka, 'no? Wala ka nang pambayad sa akin kaya binobola mo ako, Hades?” Pinandilatan ko siya.
Aba! Di pwede iyon. May inggrata pa man din sa bahay niya. Nagtitiis ako sa babaeng iyon kahit hindi kasama sa napagkasunduan iyon.
Tapos hindi niya ako babayaran?
Mas lalong nagsalubong ang kilay niya. Litong lito sa narinig sa akin. Sus! Kunyari pa 'to! Nahuli ko ang istilo mo kaya ganiyan ka maka react.
“What are you talking about?” Litong lito pa rin.
Tinuro ko siya. Mukhang nairita na siya ngayon.
“Kow! Iyang style mo na 'yan?!”
Nagtagis ang bagang niya. “I can pay you triple if I want to, Lurena.”
Nanlaki
