الجزء الحادي عشر اعتراف
2152 Words
يوميات الكورونا
الجزء الحادي عشر
توقفنا في الجزء السابق ان هدير دخلت مستشفى العزل وهي في انتظار نتيجه التحاليل بس هي حالتها احسن وعمر جوز هاله رجع من مستشفى مرسي مطروح قبل ان يستلم العمل ليكون مع هدير وليطمئن عائلته .
نجد ان حاله الحزن مسيطره على الكل ولكن حاله ادم مختلفه عندما شعر ان قلبه مكانه اصبح فارغ بعد ذهاب عربه الاسعاف بهدير رغم انه كان مع هادي ليكون سند له وكلم هدير فيديو كول هو وهادي لوحدهم .
ادم باله كان مشغول بالاحساس الغريب الى داخل قلبه وعدي المساء وهو يفكر بما يشعر به
وفي الصباح
بعد الڤيديو كول كل واحد في شقته والكل حامل هم وضيق .
نبيل وسناء دخلوا يناموا شويه بعد صلاه الظهر .
عمر طمئنهم و وجوده مع هدير طمئن الكل .
نبيل في السرير :عايز اخ*ف ساعتين علشان اقدر استمر .
سناء :انا نمت شويه انت الي عينك لم تغمض .
نبيل :بتضحكي على مين انا متاكد انك ما نمتيش سناء حبيبتي تعالي في حضني ونامي شويه انا عارف ان ربنا كريم والحمد لله البنت بتتكلم وكويسه وان شاء الله هترجع .
وفعلا ناموا بعد صراع مع القلق الي يجعل الانسان صعب عليه النوم .
في بيت مهند
لبنه بتعمل الاكل ومهند بيساعدها ،لبنه بتعمل لكل البيت لا احد يفكر في الاكل ويجب ان حد يطلع من دائره الحزن ويراعي البيت وكان لبنه ومهند هما الي يراعوا البيت .
مهند بيقطع السلطه ولبنه واقفه علي البوتجاز بتقلب الاكل الحزن واضح لكن يجب الخروج منه .
مهند :انا مش عارف مش في بنات احنا مخالفين بنتين وفي مي كمان المفروض يقفوا يعملوا الاكل .
لبنه ببتسامه : حبايب قلبي دول كانوا مقطعين نفسهم من العياط علشان هدير ولسه نايمين من شويه حتي مي نايمه معاهم وبعدين انت عايز تشيلهم الهم بدري ليه ؟
مهند :هم وبدري ايه احنا في ظروف لازم فيها الكل يتعاون.
لبنه :انا مش عايزه مساعده وروح انت كمان نام خلاص الاكل خلص وخلي ادم وهادي ينزلوه تحت عند عمو وطنط اما يصحوا .
مهند :باس ايدها ربنا يخليك ليه يا احلى لبنه .
لبنه :ويخليك ليه يلا نام شويه وابقى كلم ماجد قوله ان الامل معمول وهننزل تاكل تحت عند عموا .
مهند:حاضر يا عيون مهند .
في شقه ماجد وميار
ماجد وميار اتجهوا لقرآه القران والدعوه ان تزيح الغمه .
وهادي دخل اوضته وبيحاول ينام ومحمد ايضا .
في اوضه ادم
الحال غريب عند ادم رايح. جي في الاوضه وبيفكر في هدير واستغرب نفسه لماذا اميره لم تخطر في باله مش ملهوف عليها ولا انه يكلمها المفروض تكون اول حد يجي على باله في الظروف ديه دايما المحبوب بيحب ان تكون حبيبته واقفه جنبه في الظروف ديه تسانده وتدعمه علشان يستمر لماذا لا يشعر ان اميره وجودها ليس بالدعم ولا السند نفض الفكره طيب علشان يعرف نتيجه الاختبار الي وضعه لاميره يكلمها مسك تليفونه وكلم اميره لقي ان التليفون مغلق بيكلم نفسه .
ادم :احسن حاجه انت الي جبتي اخرها العلاقه ديه غلط من الاول وانا لازم انهيها بس اقولها ايه ؟يعني كنت هقولها ان الي بنا انتهى !!انا هبعت مسدچ انهي كل الي بنا ،انا كان دماغي فين فعلا الواحد طول ما هو عايش بيتعلم ويعرف اكتر .
ادم بعت المسدچ خلاص وحس ان قيد و التزام خلص منه وتعجب نفسه اكتر ..
ومسك البوم الصور الي عنده الي بيضم العائله وتوقف عند صوره كل الاحفاد فيها في عيد ميلاد سناء الاخير ولاحظ انه و هدير وقفين جنب بعض وفي نظره من هدير له لم يلاحظها قبل كده ابتسم لمحاوله الذكري لانه حاسس بها من فتره لكن كان بيكذب نفسه .
وقلب في صور لهم ايام الطفوله صوره ليهم وهما بيلعبوا وهما اطفال ،وافتكر ان هدير كانت بتحب تكون في الفرقه بتاعته ،قعد يقلب في الصور وافتكر كم الذكريات كلها وان هدير كانت في معظم ذكرياته لحد ما دخل الجامعه وانبهر بالبنات الي فيها واسلوبهم المختلف وبعد عنها وتجاهلها .
ورجعت بيه الذاكره ليوم عيد ميلاد هدير التاسع
فلاش باك
ادم :دودو كل سنه وانت طيبه .
هدير :وانت طيب يا دومه .
ادم :اتفضلي .
هدير :ايه ده ؟
ادم :ديه هديتك .
هدير :الله خاتم تحفه يا دومي .
ادم :لما نكبر هجيبلك واحد شبهه يبقي الشبكه ،ايه رايك ؟
هدير :شبكه ايه يا ادم احنا صغيرين .
ادم :انا بقولك بس انك عروستي وتخلي بالك من دلوقتي هنتجوز لما نكبر .
هدير ببتسامه صافيه :لما نكبر يلا نكمل لعب .
عوده للواقع
ادم :كنت بقول لنفسي انه لعب عيال ونسيته او كنت بتجنبه لكن الازمه ديه رجعت كل الاحاسيس دايما كنت بقارن اميره ببنات العائله وانا كنت في الحقيقه بقارنها بهدير ،انا غ*ي لازم قلبي يوجعني علشان افتكر احساسي بيها انا زعلان اوي علي هدير لما اخذوها بجد قلبي وقف ،مقدرتش اقف اودعها غ*ي واقف في التراس طبعا م**وف منها هي كانت على طول عينها كانت بتقول انها على العهد لكن انا …مش عارف كنت كل شويه في علاقه ليه ! وختمت باميره وكنت بحكي اني بحبها وانها مسك الختام الي كنت بحسه ناحيه اميره مش حب اي حاجه غير حب بحاول اثبت لنفسي ان البنت الحلوه ديه وقعت في حبي واني مفيش بنت تقدر تقاوم ادم الصفواني .
اميره ملفته متحرره مختلفه اتشديت للاختلاف انا كل الشباب يموتوا ويرتبطوا بيها وانا الي فاز بيها تحدي ده مسابقه لكن الحب مش ده لكن هدير كانت دايما الحقيقه الي بنكرها انا غ*ي على طول قدامي عينها بتقول كتير وانا كنت بتحاهل كل ده علشان ايه ابقى ادم الي مقطع السمكه وديلها الي علاقته تدوب البنات فيه ،انا لازم اكلم هدير واول ما ترجع نتخطب ان شاء الله.
ياه كان لازم الواحد يتعب علشان يترجم مشاعره .
وكمان اتعب الي بيحبني ياه يا هدير ترجعي بالسلامه وعوضك عن كل الم وغباء مني .
انا لازم اقول لجدو هو الي هيقف جنبي ويحل الي انا فيه
نزل ادم عند جده لقاه نايم قعد في الجنينه ومسك تليفونه وطلع صفحه المصحف وقرا في المصحف يقرا ويدعوا ان ربنا ينجيها
في المستشفى
عمر قاعد جنب سرير هدير عينه مش بتنزل من عليها وملاحظ ان الاعراض حفيفه وحمد ربه لان هدير عندها حساسيه ص*ر من صغرها وبتاخد بخاخات عينه جت على راسها لاحظ ان انها عرقانه جدا طلب ترموتر استعجل نتيجه التحليل .
الممرضه :نص ساعه والنتيجه هتطلع يا دكتور .
عمر : درجه الحراره نزلت الحمد لله .
الممرضه :بجد يا دكتور كده ان شاء الله التحسن سريع ان شاء الله .
عمر :يا رب .
صحي نبيل من نومه وصلى فرضه وترك سناء لتكمل نومها ساعه بالنسبه لنبيل تكفي فهو معتاد على قله النوم ولاحظ ان احد قاعد في الجنينة.
نبيل بيخبط علي كتف ادم :انت قاعد لوحدك ليه ؟
ادم :بقرا شويه في المصحف .
نبيل :خايف يجيلك يا ادم ؟بتقرب من ربنا من الخوف حسيت ان المرض ما بيفرقش من كبير وصغير ؟
ادم :ابدا يا جدو لو ربنا كاتب انه يجيلي هيجي انا بقرا علشان هدير نتيجه التحليل ربنا يقف معاها وتبقي سلبيه .
نبيل :يا رب يا ادم نطمن عليها ،انا قلبي وجعني عليها.
ادم قفل المصحف وعينه على جده .
ادم :جدو انا عايز اعترف لك بحاجه .
نبيل :ايوه يا حبيبي .
ادم :جدو انا بحب هدير .
نبيل لف لادم ورفع عينه بجديه ناحيته .
نبيل :افندم بتحب هدير زي اختك ولا الي فهمته صح !
ادم ويفرك في يده ويهز رجله جده نبيل بدأ الاستجواب.
ادم :مش اختي يا جدو بحبها بحبها يعني عايز اتجوزها .
نبيل :وده من ايه طلعت نمت صحيت بتحبها ؟ فهمني كده ؟
ادم بخوف من نبره جده الي كلها استهزاء
ادم :يا جدو انا بحبها من زمان .
نبيل :امممم من زمان ده الي من كام ساعه ده انت من يومين بتحكي ليه عن اميره وحبك ليها .
ادم :ماهو ده مش حب يا جدو .
نبيل :واحد قال لوحده انه بيحبها عايزها تتغير علشانه مش حب ازاي كنت هنا على نفس الكرسي مضايق من تصرفتها وانها متجاهله طلباتك كل ده مش حب !
نبيل بيكمل كلامه بنرفزه :هدير مش حتياطي لحد ومش معنى انها بتحبك انك تعيش حياتك وترجع تلاقيها …
ادم:استني يا جدو هدير بتحبني وخبط ايده على دماغه الحمد لله .
جده سكت لان اثناء نرفزته قال لادم سر هدير .
نبيل : ادم ممكن افهم وبراحه وانسى اني قلت لك على حب هدير .
ادم :حاضر يا جدو انا من واحنا صغيرين جويا مشاعر لهدير وقلت لها اننا هنتجوز اما نكبر والصراحه انا غ*ي اما دخلت الجامعه وشوفت البنات ومغامرات الولاد واني معنديش ولا مغامره ولا حكايه ابتديت اشاغل البنات واقرب منهم بس والله يا جدو عمري ما تعدت حدودي مع واحده ولا قلت لوحده اني بحبها كان كلامي اننا نقرب من بعض ونفهم بعض مرحله اولى وبس كنت بقف وانا اسيب او. هي ..بمعنى كنت عايز اجرب احساس جديد والصراحه كنت بتجاهل هدير وابعد عنها واعتبرت انه لعب عيال .
نبيل :واميره ؟
ادم :اميره ممممم بص منكرش ان اميره كلنت مختلفه عن كل البنات الي قبلها صعبه متفتحه امنيه اي شاب هي اتقربت ليه الاول وانا طبعا كانت فرصه وخلت احساسي بنفسي يذيد اميره معجبه بيه انا بس التعامل وطريقه حياتها بعيده عني عننا كنت بحاول اخليها زي بنات العائله لكن .
نبيل :لكن مرض هدير صح
ادم :مرض هدير شال التراب من على الحب الي موجود في القلب ، جدو حب هدير صعب بيوجع القلب ارجوك اقف جنبي .
نبيل كمل كلامه مع ادم وكان كالعاده مستمع جيد ……
في المستشفى
داخل حجره هدير
الدكتور دخل عند هدير وعمر
الدكتور :النتيجه طلعت يا دكتور عمر .
هدير اتعدلت :قول يا دكتور .
عمر :مسك النتيجه وقال الحمد لله الحمد لله سلبيه يا دودو .
الدكتور :اه سلبيه بس دور انفلونزا بس جامد ومع حساسيه الص*ر الي عندها كان لازم نشك الدور ده محتاج الراحه بس مش هنا في بيتكم .
عمر : ياااه الحمد لله والله كنت شاكك بس قلا نتاكد وكان همي كله ان نتيجه التحليل تطلع علشان اهرب بيها مستشفى شكرا قوي .
الدكتور :عمر بس بردوه خلي بالك هي ضعيفه ومناعتها وحشه ونتيجه التحاليل بتقول انها ضعيفه وممكن تتعدي بسرعه .
عمر :طبعا انا خدت بالي ان تحاليلها وحشه المهم نمشي من هنا علشان فعلا وجودها هنا ممكن تتعدي منه .
عمر مسك التليفون وكلم ماجد طمنهم علي النتيجه ،وقالهم انه هيجيب هدير ويرجعوا بس هي ما زالت محتاجه راحه .
ماجد سجد لربه انه ابنته نجت واخد ميار في حضنه ودموعه نزلت من الفرحه ونزل لباباه ليطمئنه .
عمر كلم هاله كمان واخبرها انه وهدير ساعه بالكتير وهيكونوا في المنزل وانه عمل مسحه له واطمئن على نفسه كمان علشان يكون في البيت من غير قلق .
عمر انتهز فرصه وجوده وعمل مسحه علشان يطمئن على نفسه ويزيل القلق الي عايش به .
الخبر انتشر في فيلا نبيل والكل حمد ربنا ،نبيل اخد الكل وقم بيهم لصلاه الشكر .
بعد فتره كلنت عربه عمر امام بابا الفيلا وعم عطيه بيفتح لهم الياب دخل عمر بالعربيه ومعاه هدير .
نزل هو هدير وعقم نفسه هو هدير و
وقف في الجنينه والكل جري عليهم .
عمر وقف من غير بوس واحضان مفيش فايده .
ماجد :ديه بنتي هى كويسه .
ميار :بتبوس ايدها وبتشدها عليها .
عمر بيشد هدير ناحيته ،وبيتكلم بتحذير
عمر :هي كويسه بس مناعتها وحشه انا خرجتها علشان هنا العدوى اقل ولازم كلنا بلاش الاحضان والبوس ده امان للكل .
نبيل :يا ساتر عليك يا عمر ،كنت سبني اخدها في حضني يا اخي .
سناء :مش مهم يا نبيل اننا ناخدها في حضننا المهم انها قدمنا كويسه .
نبيل :صح الحمد لله انك قدمنا دودو نورتي بيتك يا دودو .
هدير : انا الحمد لله يا جدو بس عايزه انام .
عمر :من ادويه الي بتنزل الحراره والمضاد الحيوي لازم تحسي بالتعب وانك عايزه تنامي .
هاله :حبيبت عمتو عصفوره العائله حمد لله على السلامه .
هدير:الله يسلمك يا عمتو .
مهند :دودو القمر حبيبتي حمد لله على السلامه .
هدير :حبيبي يا عمو.
دليله :حبيبتي يا دودو البيت وحش من غيرك اطلعي نامي اما تصحي كلميني هطلع عندك على طول .
مي :وانا كمان .
هادي : دودو انا فتحت اوضتك وهي مستنيه الاميره بتاعتها.
هدير ببتسامه :ربنا يخليكوا ليه .
ادم قرب منها واخد ايديها ومسكها ولف قدام الكل .
هنا هدير كان في تعجب من تصرف ادم بتبص عليه وهو بيتكلم
ادم : الاول حمد لله علي السلامه يا دودو ثانيا انا قدام الكل وبعد اذنك يا بابا وبعد اذن عمي ماجد انا بطلب من جدو ايد هدير .
الكل متفاجئ وساكت .
هدير سحبت ايدها :وانا مش موافقه يا ادم ،ماما انا تعبانه عايزه اطلع .
ميار اخدت هدير وماشيه في اتجاه البيت وادم في حاله تعجب ازاي ترفضه وهو عارف انها تحبه غير نظرات كل العائله الي **ت كان هو سيد الموقف .
اقتباس من الجزء القادم
هادي :انت ض*بت منك ،انت سخن تكونش جتلك الكورونا في الاعصاب ،اهدي كده واحكي ،انت مقلتش ليه حاجه عن الموضوع ده قبل كده .
ادم :جدو عارف .
هادي :اللواء نييل تحس انه شغال ciaبيخلي الواحد بيعترف علي طول ،وبيقول كل حاجه ،،اسهال معلومات .
ادم :تصدق اه ،جدو مستمع رائع وبيحل اي مشكله .
هادي :ها وحل مشكلتك .؟
ادم :سبني و محلش حاجه المره ديه ،مش عارف ليه ؟
هادي:علشان دودو حبيبت قلبه ،اهدي كده وانا هعرف كل حاجه .
ادم :وانت مفيش حد عجبك ؟
هادي :لا انا مش بفكر خالص ،انا عايش لغايه ما اقع علي بوزي .
ادم وهادي :ههههه
يا ترى ما هو موقف هدير واسباب رفضها ؟
- Writer
