البارت الاول
1538 Words
يوميات الكورونا
البارت الاول
يوم العاصفه التي حلت علي مصر كان يوم فارق في تاريخ المصريين ،كأنه يوم اعلان توقف الحياه في مصر مش مصر فقط ولكن العالم كله يوم الحادي عشر من مارس سنه ٢٠٢٠، الكل مترقب حدوث العاصفه ولكن الي بعد العاصفه كان اكبر من العاصفه .. فيرس صغير لا يرى بالعين المجرده ولكنه قدر انه يهدد الحياه على الكوكب.
الكورونا بينت مشاعر بينت صفات لكل فرد فينا لم نكن نعرفها عندنا اكتشفناها مع جلوسنا في المنزل ،كانت فرصه تعرف الاب على طبايع اولاده والام قدرت انها تقوم بدورها في التربيه لتواجد ابناءها معاها فتقدر تقوم وتعدل السلوك .
بعدنا عن اشخاص جعلتنا ننظر لهم. بشكل مختلف في الي مش فارق تواجده وفي الي تواجده ضروره وضحت مشاعر البعض في عدم الاستغناء عن حب اطراف لبعض مشاعرهم ما كانتش وضحه .
وعندنا عائله الحج نبيل
الحج نبيل هو الراعي لهذه العائله وقرارته دائما صواب ولانه شخصيه ديمقراطيه ياخد برأي الكل وينفذ ما هو صالح في النهايه .
الحج نبيل او اللواء نبيل الصفواني لواء جيش متقاعد نشيط جدا بعد خروجه على المعاش تفرغ لهوايته الزراعه وجعل الجنينه مزرعه صغيره ويقوم هو و سناء زوجته وحبيبته يتسوقوا ويشتروا ما يلزم المنزل وفي اوقات يأخذها ويسافرو ببتعد عن مشاكل العائله .
الحج نبيل جمع ابناءه وزوجتهم وابنته وزوجها عنده في الدور الارضي وفي مكان اجتماع العائله في الرسبشن الكبير الذي يحتوي علي كنب كبير. و ترابيزه سفره كبيره لتضم العائله
والكل في حاله ترقب لهذا الاجتماع .جلس نبيل وعينه علي ابناءه وازواجهم وبدا الكلام بقلق واضح .
نبيل : طبعا الكل عارف بموضوع فيرس الكورونا او كوفيد 19 واكيد لازم ناخد احتياطات علشان الازمه ديه تمر بخير ومحدش يمرض به فمن دلوقتي احنا نقفل علي نفسنا محدش ينزل الا للضروره القصوي .
الدكتور عمر زوج هاله :يا عمي احنا حاله طورائ وانا هبقي بره معظم الوقت ،ده شغلي، و وجبي كمان.
عمر يعمل دكتور والد مي ومحمد وزوج هاله بنت نبيل تزوجها عن حب و وافق ان يغلق شقته وينتقل للاقامه في بيت عائله هاله الي اصبحت عائلته بيحبهم كلهم ويحترمهم ،و. هما كمان بيحبوه فهو زوج جوهره نبيل بنته الحبوبه واخت من طراز خاص لحبهم لاختهم الوحيده هاله .
نبيل :ربنا يحميك يا ابني انا بقول للضروره القصوي ، وانت اكيد شغلك ضروره قصوى .
مهند :يا بابا شغلنا مدوش اجازات احنا هننزل شغلنا عادي .
نبيل :يا ابني انا بتكلم علي اولادكوا والستات وربنا يحفظكوا وترجعوا بيتكوا بالسلامه .
سناء :ربنا ما يورينتيش حاجه وحشه فيكم .
سناء ام مصريه بما تحمله الكلمه تعشق زوجها واولادها دايما شايله همم كلهم لاتنام الا بعد ان تتاكد من وجود الكل في شققهم تليفونها يحمل صور احفادها وهم متجمعين حوليها ،تعشق زوجها نبيل فهو ابن خالتها طول عمرها هو فارس احلامها وهي ملكت قلبه ونتيجه الحب عائلتها التي كانت تحلم بيها معه وانهم لم يبعدوا عنها فهذه امنيه استطاع نبيل تحقيقها ليها وتمنت ان قرب اولادها من بعض لا يحدث مشاكل كما يحدث في بيوت العائلات ولكن دعواتها مع التربيه الصحيحه ومع انهم تاركين لهم حريتهم وجودهم معهم جعل المشاكل قليله وسرعان ما تختفي ،سناء ضلع مهم في البيت فهى قلب و روح البيت .
نبيل:الستات تنزل تشتري لاوازم البيت وانا هخلي عم عطيه البواب مسئول النظافه للي يدخل البيت ،وانا هنزل اشتري ادوات التعقيم .
وافق الجميع على كلام نبيل فهو صحيح ولا يحتاج اي مناقشه .
وفي انتظار رد فعل احفاد نبيل الشباب والبنات ،هلى قرارت نبيل .
في صباح اول يوم
علي سلم المنزل تقابل مهند وماجد وحاله من الترقب وبعض من القلق من مهند لان الاولاد الشباب في العائله لا يريدون تنفيذ كلام جدهم .
مهند :صباح الخير يا ماجد رايح الشغل ؟
ماجد : صباح الخير بقولك انت ابنك ادم هيرضي يتحبس زي ما بابا بيقول ؟انا هادي معترض علي الكلام ده .
مهند : ادم ده دماغ انا قلت له كأني جي من كوكب اخر ،واخد كلامي تهريج .
عمر وهو نازل :صباح الخير :وقفين كده ليه ؟
ماجد :الولاد عاملين ازمه علشان موضوع النزول ،محمد عامل ايه عندك ؟
عمر :محمد ثانويه عامه محبوس اصلا قالي مش فارقه .
مهند :نفس كلام ديما ربنا معاهم في الثانويه العامه ديه .
ماجد :المشكله في الكبار فعلا ؟
عمر ؛البنات مش مشكله ،المهم الولاد ادم وهادي هما الي بيخرجوا ومش بيحبوا قاعده البيت ،انا اتأخرت عن اذنكوا .
مهند وماجد :خلي بالك من نفسك يا عمر .
عمر :ربنا الحامي.
نزل عمر وهو يحمل هم وشعور بالخوف من هذا المرض لكنه الواجب وما درسه خلال سنين عمره في الطب لا يعلم ما هذا المرض انه المجهول لكن كأي جندي في المعركه يجب ان يزيل شعور الخوف ويتكل علي ربنا فهو الحامي كما رد علي مهند وماجد .
علي الباب الجنينه كان الحج نبيل قاعد .
فهو منذ الصباح الباكر نزل واشتري كل ما يحتاجه المنزل ورجع ونظم ادواته وجلس عند الباب وضع خطته التي لا يستطيع ان يفر منها احد
نبيل :صباح الخير يا عمر خد ،(بخاخه ،جوانتي ،كمامه )وربنا يحميك يا ابني اي مكان تلمسه عقم نفسك.
عمر ببتسامه :قاعد على الباب علشان تديني يا عمو ادوات التعقيم ربنا يبارك في صحتك يا عمي انا في معايا في العربيه ادوات التعقيم
.
الحج نبيل :ويبارك في صحتك يا حبيبي وخلي معاك زياده مس هتخسر .
عمر :يا ريت الناس كلها تفهم زيك كده يا عمي يلا السلام عليكوا وركب سيارته وانطلق لطريقه.
نزل مهند وماجد الحج نبيل اعطى لهم نفس الحاجات .
الحج نبيل : الكمامه اهم حاجه علي وجوهكم اوعوا حد يقلعها .
مهند وماجد :حاضر يا بابا .
نبيل :صحتكوا امانه يا ولاد حافظوا عليها .
مهند :يا بابا متقلقش ديه حاجه بسيطه .
نبيل :بغضب من ابنه ،مش بسيطه يا مهند فاهم انا متابع الاخبار والاعداد هي مصر ربنا حميها لغايه دلوقتي بس الوباء ده كارثه .
مهند ببتسامه لباباه :حاضر يا يا سياده اللواء
خرج الرجاله
وبدايه اليوم الحقيقي لجعل الاحفاد لا يخرجون من البيت .
يعلم نبيل انه من الصعب ان يحبس شباب في المنزل فهو كان شاب في يوم من الايام وكان يرفض اي حد يمس حريته في الدخول والخروج ،ولكن ما باليد حيله فالخطر الموجود خارج حدود المنزل اهم من حريتهم وهذه الفتره ستكون فتره صغيره والحرص لسلامه الكل مش لسلامتهم فقط .
الحج نبيل :بنبره تحذير ..عم عطيه اقفل الباب مفيش خروج لحد الا بأذني .
ادم :استني يا عم عطيه متقفلش انا خارج .
الحج نبيل :رايح فين يا ادم ؟
ادم :صباح الخير يا جدو .
الحج نبيل :صباح النور ،رايح فين ؟
ادم :رايح الجامعه .
الحج نبيل :هممم انت متعرفش مش علقوا الدراسه في المدارس والجامعات .
ادم بمكر :لا يا جدو المدارس بس والجامعات الحكوميه ،انا جامعه خاصه .
الحج نبيل :شوف ازاي ،
وهو ينظر داخل عينه ليفهمه انه لامجال للكذب والحوارات ،انا دخلت علي صفحه الجامعه بتعتك وعرفت انكوا كمان اجازه ،يظهر انك مقرتش الصفحه ،اطلع يا حبيبي شقتك او تعالي افطر ده انا عامل شويه فول عجب .
ادم بنرفزه :شكرا يا جدو .واتجه ناحيه سلالم العمار علم ادم ان جده سوف ينفذ كلامه ومن نظره عينه علم انه لا فائده من الكلام معه .
الحج نبيل ببتسامه ده انا جدو فظيع والله هطلع عينكم واربيكم من اول جديد ،علشان عيالي ميعرفوش يربوا .
نبيل :عم عطيه هات الخرطوم ارش الزرع.
ادم طالع متنرفز قابل دليله اخته وهدير بنت عمه ومي بنت عمته .
هدير بحب :بتنفخ ليه ..؟
هدير بتحب ادم ولكنه لا يشعر بحبها بتحاول تقرب وتفهمه بكل الطرق لكن هو من كتر علاقته بالبنات لا يرها ،ودليله ومي يعلموا هذا الحب فهم بئر اسرار لبعض ورافضين هذه المشاعر من هدير لانها كتيره عليه ،هذا رأيهم ادم علاقته كتير والخاسر الوحيد هدير ،الحب من طرف واحد بيوجع وخصوصا انهم عايشين في نفس المكان .
ادم:جدك مانع الخروج.
هدير :طبعا يا ادم علشان الوباء .هو خايف علينا .
ادم :طيب يا ختي حاسبي من وشي وبيده زقهم علي جانب الطريق وطلع وهو يغلي .
دليله : لازم تردي عيل فصيل خساره فيه حبك مش اخويا انا مستحمله انه اخويا بالعافيه .
هدير :مش عايزها يبقى عصبي يا بنات وعينها متعلقه للمكان الي كان ماشي فيه
دليله ومي بصوا لبعض بصوت كمنجات تراتراتلالالا
هدير :والله غلسين ..مش بيدي يا بنات .
مي : الحب بهدله وبيضحكوا .
البنات نزلوا الجنينه علشان يقعدوا مع جدهم وجدتهم .
ذهب هادي لادم وعرف منه علي محذورات جدهم
هادي :يعني منعك ؟
ادم وهو بينفخ وبيلعب على الموبيل :اه يا خويا .
هادي : بس انا هعرف اخرج .
ادم بنظره سخريه :هتعمل ايه يا فالح .؟
هادي :اتف*ج وشوف .ده انا استاذ
هادي من النوع المغامر مش بيرضا بالامر الواقع ممكن يعمل اي حاجه علشان ينفذ الي في دماغه .
ادم وهو ماسك الموبيل من غير ما يبص عليه ،وريني يا استاذ!!
نزل هادي بيتسحب ووقدام باب الفيلا كان عباره عن طينه بوحل الجد عمل طريق طين لحبس الاحفاد .
راح يجيب العربيه لقي كل العجل فاضي واتزحلق في الوحل
كان نبيل مراقب الموقف من بعيد وبيضحك فهو يعلم دماغ هادي بل يعلم طباع كل احفاده .
هادي لمح جده قام وقف بسرعه وبنظره حسره رجع في اتجاه شقته .
استمر نبيل في الزرع وكانت سناء بالدخل تنظر له دائما تحمل هم الكل خايفه علي جوزها واولادها مفتقده اخوتها لانهم خارج مصر لكن نبيل عوضها سفرهم،وعائلتها ملت وقتها لكنها قلقت علي اخوتها كلمت حمدي الاخ الاكبر وهو عايش في ايطاليا وكانت اخبار الكورونا في ايطاليا حزينه وتكلمت مع اختها وهناء عايشه في السعوديه واطمنت عليهم وكلمت فريال ايضا وهي بنت عم الاولاد ومتربيه معاهم واخت مهند في الرضاعه .سوف تظهر فريال في الاحداث ونتعرف عنها وعن عائلتها بعد ذالك .
- Writer
