Nang masigurado ni Aimee na nagkaroon ng impact ang sinabi nito kay Kiko ay iniwan na siya nito. Lumapit ito kay Purissa at nang-aasar na sumulyap ito sa kanya.
"Seriously, ang kulit niya." Natatawa na lang siya na napailing.
Napatingin sa kanya ang lalaking guro na kausap na nina Purissa at Aimee. Wala sa sariling tumingin siya rito nang matalim. Mas sumama ang kanyang pakiramdam nang mas lumapit pa ito kay Purissa.
"Ang tapang naman niya." Hindi na kailangan ni Kiko lumingon dahil kilala na niya kung sino nagmamay-ari ng baritonong boses.
Ang mabigat na kamay ni Kon ay umakbay sa kanya. Saka lamang siya napalingon dito nang muli itong nagsalita.
"Bakuran mo na kasi ang pinsan ko bago ka pa maunahan," biro ni Kon.
"Malapit na raw umuwi ang kaibigan nilang lalaki?" puno nang kur
