SHANE
Inabot din ng mahigit isang oras bago kami nakauwi dahil sa traffic. Napansin kong panay hikab na ni Tuesday dahil sa antok. Naaawa rin ako sa kaniya dahil kailangan niyang magpuyat para kumita.
"Bakit ka nga pala sa call center nagtrabaho? Ano ang tinapos mo?" tanong ko sa kaniya.
"Nagkaayaan lang kami ng mga kaibigan ko na mag-apply sa call center dahil malaki ang sahod, pero ako lang ang natanggap. Sa iba sila nakapasa." Naghikab muna ito ulit. "Marketing ang tinapos ko pero hindi ko nagamit. Ayos lang naman, ang mahalaga ay may trabahong disente at kumikita nang malaki kahit paano."
"Pero risky sa health mo ang puyat," sagot ko.
"Totoo 'yan. Maraming sakit ka kakambal ang puyat, isa na ang hormonal imbalance. Naiisipan ko na rin namang mag-resign ang kaso saan naman ako papa
