KAAGAD na tinakpan ni Ephraim ang bibig gamit ang tissue nang maramdaman niyang magsusuka siya ng dugo. Mula ng ibinigay niya kay Zacheuss ang Feather Flower ay nararamdamam niyang nanghihina na siya. Pakiramdam niya ay nagiging normal na tao na lamang siya.
Bumuntong hininga si Ephraim saka pinunasan ang bibig. Itinapon niya sa basurahan ang tissue. Sana lang hindi malaman ng Boss niya na sa kaniya 'yon. Habang nagtatrabaho si Ephraim, hindi niya namalayan ang oras at tanghali na pala.
Nagulat na lang siya nang may naglapag ng paper bag sa mesa niya. Mabilis na nag-angat ng tingin si Ephraim.
"Sir Zacheuss?"
"Lunch time na. Kumain ka."
Bumaba ang tingin ni Ephraim sa paper bag saka niya ibinalik ang tingin sa Boss niya. Ngumiti siya. "Thank you, Sir."
Umangat ang kamay ni Zacheuss a
