ACE'S POV
Hindi ko namalayang napatagal ako sa paliligo dahil lumilipad ang isip ko sa mga sinabi ni Tita Bridget, lalo na ang balitang gising na si Rhian. At nakikiusap s'ya sa 'kin na puntahan ko ito dahil ako raw ang palaging hinahanap. Ang masakit pa, akala ni Rhian ay nasa nakaraan pa rin siya. At sobra raw ang naging pagwawala nito matapos magising at maalala ang sinabi ni Zen na dalawang taon na ang lumipas.
Lumabas ako ng kwarto at mabilis na gumayak dahil nangako ako kay Tita Bridget na susunod ako sa kanila para puntahan si Rhian. Nasa bahay na kasi nila ito at doon nagpapahinga. Kahit papaano ay gusto ko siyang dalawin at alamin ang kalagayan niya. Hindi ko rin kasi maiwasang hindi mag-alala.
Pero alam ko namang wala na 'kong nararamdaman sa kaniya, sigurado ako ro'n dahil la
