[[ KABANATA CXCIX ]]
PHASE III: CALL ME DADDY
MAINGAY. Kaliwa’t kanan ang mga boses na naririnig ko sa labas. Tawanan at sigawan ng mga bata. Tahol ng aso. Tilaok ng manok. Busina ng motorsilyo. At naglalakasang mga tugtog ng kapitbahay na para bang sila lang ang may karapatang magpatugtog ng ubod ng lakas.
Kinuha ko ang unan na nasa paanan ko at tinakip ko sa mukha ko. Gusto ko pa talagang matulog. Gusto ko pang magpahinga. Kaso kahit anong gawin kong pagpikit. Pagtalukbong sa mukha ko ayaw na akong balikan ng antok ko.
Inalis ko ang unan sa mukha ko at pumabangon ako. Pumapasok na rin ang sinag ng araw dito sa kwarto ni Kuya Lando. Nakalimutan niya atang ibaba ang kurtina bago siya umalis kanina. Alas kwatro pa lang kanina gising na siya---hindi naman niya ako talaga ginising, nagisi
