[[ KABANATA CCV-A ]]
“NICHOLAS….” Mahinang boses. Parang malayo sa akin. Hindi ko alam. Hindi ko lang iniintindi.
“Henry…” Sa kaniya pa rin nanggagaling ang boses. Kilala ko si Henry, ako siya… naging ako siya. Naging pangalan ko ang Henry.
“Uy, Erwin!” Isang malakas na snap malapit sa mukha ko ang gumising sa akin at bigla ko na lang na rinig ang lahat ng ingay na posibleng marinig mula rito sa kinauupuan ko. Ingay ng mga nag-uusap usap. Ingay ng mga busina ng sasakyan, makina ng sasakyan. Bumalik na ako sa akin diwa at napatingin ako sa lalaking nasa harapan ko ngayon, “…anong nangyayari sa iyo. Kanina ko pa napapansin na parang nasa alapaap ka. Okay ka lang ba?” May tono ng pag-aalala sa kaniyang mga binitawang salita. Kitang kita ko rin sa itsura niya ang para bang inuusisa ni
