[[ KABANATA CLXXXVIII-B ]]
PINUTOL na ang klase sa takot na baka banta ng terorista ang ginawang pagpapasabog. Pinauwi na ang lahat ng estudyante pero nandito pa rin ako sa school kasama si Lloyd at Christian. Narito kami ngayon sa kuta ni Christian. Gusto sana akong samahan pa rito ni Paul pero pinauwi ko na lang siya—hindi ko rin kasi talaga gusto na makita siya ni Christian na kasama ko.
“Pinakuha ko ang sasakyan ko kay Joseph dahil tinatamad akong maglakad.” Sabi ni Christian—at hindi siya ang nasa loob sumabog niyang sasakyan kung ‘di si Joseph.
“Bakit kasi nasa labas ang sasakyan mo? Hindi mo na lang ipinarke sa harapan ng Department building—” Sabi naman ni Lloyd.
“O pwede mo rin naman ipasok rito at ipark sa labas.” Dugtong ko. Tinignan niya lang kaming dalawa ng masama.
