[[ KABANATA CCX ]]
MERON akong tatlong araw para manatili rito sa Kanto Tan. Tatlong araw para malaman ko kung sino ang taong nasa likod na masasabi kong misteryo rito sa bahay na ito. Tumawag sa akin ang Ninong ko kanina---hindi naman siya nagalit dahil nabasa niya ang sulat na iniwanan ko sa aking kwarto. Nasabi niyang mawawala siya ng tatlong araw at gusto niyang nasa bahay na ako pagdating niya dahil kailangan naming mag-usap tungkol sa ginawa kong pagtakas. Nasabi niya rin sa akin na umuwi rin daw ako ngayong araw na ito at huwag na akong magpapaabot ng gabi pa rito.
Hindi ako ginising kanina ni Daddy Lando ng pumasok siya. Hindi ko na rin talaga siya nakausap pa tungkol sa sinabi niya sa akin na patay na si Mona. Siguro pupuntahan siya sa lamay nito mamaya at baka hindi umuwi ri
