"NINONG III ®"
ni Madam K/iamkenth
[[ KABANATA CCXXII ]]
NARIRINIG ko na talaga ang huni ng mga ibon sa labas. May liwanag na ring nanggagaling sa labas na pumapasok rito sa loob ng kwarto mula sa bintanang bahagyang nakabukas ang bintana. Maliwanag kong nakikita ang lahat, malinaw ang bawat detalyeng nakikita kong mga gamit na narito sa loob ng kwarto; bawat kulay, bawat tekstura. Malambot na kamang kinahihigaan ko, kumot na nakabalot sa katawan ko, unan sa uluhan ko at ang mainit at matipunong katawang nakapayakap sa akin.
Ilang minuto ko na ring pinagmamasdan ang napakagwapong itsura ng Ninong kong nakapaharap sa akin. Naririnig ko ang mahinahong pagbuga ng kaniyang hininga. Ilang pulgada lamang ang layo namin sa isa’t isa. Akala ko’y panaginip lang ang lahat—akala ko’y nananginip p
