Aiana’s POV
Habang naglalakad na ako papunta sa pinag-set-an ng mga photographer ay kabado ako. Heto na kasi, mag-uumpisa na ang labanan kaya pinagpapawisan talaga ang mga kamay ko. Kumbaga, parang may mga dagang naghahabulan sa loob ng dibdib ko.
Hinawakan bigla ni Francizka ang balikat ko. “Kinakabahan ka ba?” tanong niya kaya ngumuwi ako at saka tumango sa kaniya.
“Grabe ang kaba ko. Nahihiya rin kasi ako dahil ngayon ko lang mararanasan ito,” sagot ko sa kaniya.
Ngumiti siya at saka hinawakan ang kamay ko. “I-enjoy mo lang ang moments mong ito, Aiana. Normal ang kabahan, pero maniwala ka sa akin, sa una lang ‘yan. Star ka ngayon dito kaya puwede ka pa ngang maging attitude,” biro pa niya kaya tumawa ako. May pagka-charming din pala itong si Francizka dahil magaling siyang makaramd
