Aiana’s POV
Napanganga ako nang paglapit ko kay Alliah ay agad siyang lumuhod sa akin habang takot na takot ang mukha. ‘Yung mukha niya na palaging matapang noon na akala ko ay hinding-hindi ko makikitaan ng takot ay nangyayari na ngayon. Ako naman ay takang-taka. Palipat-lipat ang tingin ko kay Claidy na nakangisi at kay Alliah na balot na balot ng takot ang mukha. Bakit kaya ganito siya katakot ngayon? Ano bang ginawa o sinabi ni Claidy sa kaniya? Nakakaintriga talaga.
“Aiana, I’m really, really sorry. Patawarin mo sana ako sa mga nagawa kong kasalanan sa ‘yo! H-hindi ko alam na ganito ka pala ka-powerful,” sabi niya habang nakahawak sa dalawa kong tuhod. Wala siyang kahiya-hiya ngayon na habang nakatingin ang maraming student sa kaniya ay wala siyang pakelam kahit nakaluhod at humihin
