Matapos kong nasagot ang isang tawag mula sa isang unknown caller ay hindi ako agad na nakatulog. Hindi ko maintindihan pero parang narinig ko na ang boses na ‘yon pero sigurado akong hindi ko siya madalas na nakakausap.
Hanggang sa nakatulugan ko na lang ang pag-iisip tungkol doon. Paggising ko ay iyon ulit ang naging laman ng isip ko. Tsaka ko lang naalala ang bilin ni Elijah bago siya nakatulog kagabi. ‘Wag na ‘wag ko raw sasagutin ang kahit na sinong tatawag sa kanya.
Kagat ang ibabang labi na napalingon ako sa kanan ko kung saan tulog na tulog pa rin siya. Hindi ko pwedeng sabihin na sinagot ko ang tawag ng kung sino kagabi dahil paniguradong magagalit siya sa akin. At naisip ko na madali namang itago ang tungkol doon dahil hindi naman niya malalaman na sinagot ko ang tawag dahil wa
