Ang mahigit tatlong oras na biyahe pabalik sa Manila ay halos hindi ko namalayan dahil sa kabang nararamdaman.
Pagdating namin sa bahay ay kabadong-kabado ako na harapin si Daddy at buong pamilya ko. Weekend kaya alam kong kumpleto sila sa bahay. Kahit si Dasha ay paniguradong present ngayon at hinahanda ko na ang sarili ko sa mga posibleng maging tanong niya.
Napasinghap ako nang makita ang kakaibang tingin ng mga kasambahay lalo na nang nasa harapan na nila si Elijah. Kitang-kita ko ang pagtataka sa mukha ni Elijah habang pinapasadahan ng tingin ang ilang kasambahay na nakaipon sa isang tabi habang pinapanood kami na naglalakad papasok sa bahay.
Napangiwi ako at agad na hinawakan ang kamay ni Elijah para hilahin na siya papasok sa bahay.
“Why are they looking at me like I did somethi
