“Give me some time. I’ll sort everything out…”
Hindi ko maiwasang hindi mapairap habang papasok sa unit ko. Paulit-ulit ko pa ring naririnig sa isip ang mga pinagsasabi sa akin ni Elijah Consunji kanina. Masyado talaga s’yang kalmado habang nakikipag-usap sa akin kahit na ako ay hindi na magkandatuto sa pag-iisip kung paano ko magagawang iiwas ang pangalan ko sa kanya.
Padabog na binuksan ko ang pinto at ilaw sa kwarto at agad na napatili nang madatnan ang dalawang kapatid ko na prenteng nakahiga sa kama ko. Awang ang bibig at bahagyang namimilog ang mga mata ko habang hindi makapaniwala na nakatingin sa kanilang dalawa.
Dahil okupado ni Elijah Consunji ang buong sistema ko ay muntik ko pang maisip na sa bahay namin ako umuwi at hindi sa unit ko. Madalas ko kasi silang madatnan sa kwart
