NILAKBAY ng paningin ni Louraine ang buong lawak ng lugar ngunit wala doon ang isip niya.
Sa totoo lang, wala siya ngayon sa mood para mamasyal-not after that talk she and Duke had last night. Pero iba lang talaga mamilit ang mga pinsan ni Duke. Kaya hindi na siya nakatanggi nang bitbitin at hatakin na siya nina Ysa papunta sa palayan.
Hindi niya alam kung ano ang meron sa palayan pero sumama na rin siya, kesa naman sa magmukmok siya mag-isa sa bahay. Sigurado namang mababaliw lang siya sa kakaisip. Mabuti na rin itong lumabas siya kasama sina Ysa at ang iba nang sa ganoon ay maiwasan niyang ma-stress.
Pero ilang minuto pa lang ang nakakalipas, para na namang sirang plakang nagpaulit-ulit sa utak niya ang mga sinabi ni Duke kagabi.
"LOURAINE, I've missed you today. I've missed you for
