TAHIMIK na nakipagtitigan si Louraine sa kape niya. Umuusok pa iyon kanina, pero kalahating oras na siyang nakaupo doon kaya lumamig na―kasinlamig ng nararamdaman niya.
Kahit na nakatingin sa iba ang mga mata niya, nararamdaman pa rin niya ang titig sa kanya ng lalaking kaharap niya. Si Duke. Ang lalaking hindi niya inakalang makikita ulit niyasa mga nakalipas na taon. Ang lalaking muntik na niyang pakasalan.
Kanina pa sila iniwan ng assistant nito, si Philip. Ang lalaking nag-abot sa kanya ng huling sulat ni Duke para kanya. Pero kahit isang salita ay walang lumabas sa bibig nilang dalawa. Walang gustong magsalita. Tanging ang ingay lang ng mga kubyertos at ang usapan ng mga tao sa restaurant ang pumuno sa katahimikang bumabalot sa kanila.
Batid niyang alam na ng lahat na isang Steele
