Episode 14
Athila Fabros
Mabuti na lang at may nahiram akong helmet. On the way na kami ngayon sa secret falls na alam ko. Kakaunti lang kami na may alam dito, kasi maraming sabi-sabi na may maligno raw sa gubat sa amin, pero ang totoo ay kwento lang iyon upang pangalagaan ang sikretong ganda ng falls sa gitna ng gubat.
"Ate Alicia, 'kaw na bahala sa motor ni Jeric a. Sige," sabi ko kay ate, pinsan ni Jek na ang bahay ay may kalapitan lang sa gubat na narito.
"Oh sige, mag-iingat kayo ng nobyo mo..."pabirong sabi niya.
" Lah, si ate masyadong issue, kaibigan ko iyan at dayo... Atin atin na lang ha?" sabi ko naman sa kanya at saka ngumuso.
" Sige, kunwari ay naniniwala ako sa iyo... Lumarga ka na at mainit na niyan ang sikat ng araw," sabi ni ate Alicia. Ako naman ay abot sa teng
