Karen
Gaya ng dati, back to original na ako. Ang ibig kong sabihin, nakabalik na ako sa dating ako. Isang buwan na rin naman ang lumilipas mula nang makapag-enroll ako. Masaya ako, sobrang saya. Nag-umpisa na rin kasi ang klase ko na walang nagiging problema. Naging blessing pa ito dahil sa mga bago kong kaibigan na mga kaklase ko. Tinutulungan nila akong magtinda lalo na pag-maaga natatapos ang klase namin. Sumama pa nga sila sa bahay namin ni lola para lang makikain ng mga sariwang gulay.
Aba! Ang lola ko nagpakitang gilas naman ito at mas lalong pinasarap ang luto niya. Masaya siya na may bago akong mga kaibigan na alam niyang matitino at may mga pangarap sa buhay.
"Lola aalis na po ako," paalam ko kay Lola na abala sa mga halamang gamot niya. Tinanghali ako ng gising dahil hindi m
