Habang nararamdaman ko ang initan nilang dalawa napapatawa nalang talaga ako dahil talagang hindi magpapatalo ang kasambahay ni Von, binabantayan niya ako at kung ano ang mangyayari sa akin siya ang malalagot kay Von at hindi ko alam kung ano ang magagawa sa kanya ni Von kapag napahamak ako o masaktan lang ako. Paano ba naman kasi ako nakilala ng lintik na ito at hindi na ako magtataka mamaya kung kukuyugin na ako ng mga reporter dito at kung ano na naman ang lumabas na balita at iisipin nila na buntis ako kaya hindi na ako nagpapakita nasa kanila. Alam naman natin ngayon ang mundo na nababalot ng kasinungalingan at kung ano-ano na ang kanilang sinasabi na hindi naman totoo. Hindi naman ako natatakot na harapan ang baliw na ito at kung ano man ang kanyang sabihin, nandoon si Von sa labas
