Lucio’s POV
Paalis na ako at pasakay na sa sasakyan ko nang biglang may humintong tricycle sa labas ng farm. Pagtingin ko kung sino ito ay nagulat pa ako dahil nanay ito ni Mia. Nagtaka ako dahil umiiyak siya. Lumapit siya sa akin at saka humawak sa braso ko.
“Bakit ho?” tanong ko agad sa kaniya.
“Anak, Lucio, nagmamakaawa ako sa ‘yo. Sumama ka naman sa akin. Si Mia kasi, kagabi pa umiinom ng alak. Ayon, iyak nang iyak sa bahay. Nagwawala na ito dahil sa kalasingan. Magdamag na siyang gising. Pilit kang hinahanap simula pa kagabi,” sabi niya kaya napakunot ang noo ko.
“Naku po, papasok na po kasi ako sa trabaho ko. Hindi ako puwedeng ma-late,” sagot ko naman agad sa kaniya. Hindi ko gets. Bakit biglang nagkaganoon siya? Anong panggugulo na naman itong gagawin niya? Puwede ba, tapos na
