Lucio’s POV
Habang nakatambay ako dito sa kubo ng garden nila Skyla ay biglang dumating ang sasakyan ni Miss Kate. Sinundan ko ng tingin ang pagpa-park niya ng sasakyan sa parking area nila. Wala na naman siyang kasamang driver ngayon.
Maya maya ay nakita kong bumaba na ito sa sasakyan niya. Nagulat ako dahil nakatingin ito sa akin pagbaba roon. Nakipagtitigan lang ako sa kaniya. Nagulat kasi ako dahil hindi niya inaalis ang tingin niya sa akin. Lalo na akong nagulat nang lapitan niya ako dito sa kubo. Dahil doon ay napatayo tuloy ako.
“Maupo ka ulit at may sasabihin ako,” sabi niya kaya tumango ako at saka ulit naupo.
Bago ulit siya nagsalita ay humigop muna siya sa kapeng dala-dala niya. Mukhang bago siya umuwi ay dumaan pa siya sa coffee shop.
“Gagawin kong six hundred thousand pe
