Skyla’s POV
“Anong nangyari, Skyla? Bakit ka umiiyak?” tanong sa akin ni Lola Igna nang makita niyang umiiyak ako pagbaba ko sa kotse ko.
“Si Lucio po, nakita kong may kayakap na babae,” sumbong ko sa kaniya.
“H-ha? Totoo ba, baka naman mali ka lang ng nakita? Hindi magagawa ng apo ko ‘yan. Kapag may girlfriend na ‘yun, seryoso na siya at hindi na lalandi sa iba,” pagtatanggol pa niya kay Lucio.
“Pero, Lola Igna, magkayakap po sila, kitang-kita ko.”
Para akong batang nagsusumbong, pero wala akong pakelam. Masakit talaga sa akin na makitang may kayakap siyang ibang babae. Kung kino-comport man niya ang kaklase niyang babae, bakit may payakap pa? Hindi ba puwedeng tapikin na lang niya sa likod, ganoon? Alam naman niyang may syota na siya.
“Ganito, hintayin na lang natin siyang umuwi. K
