"Kung totoong mahal mo si Zoey, layuan mo siya! Huwag mong sirain ang kaniyang propesyon sa Pinas. Isang kilalang doctor si Zoey sa amin at iginagalang ang aming pamilya. Kung mahal mo talaga siya ay handa kang magsakripisyo at magparaya. Upang hindi mayurakan ang kaniyang pagkatao!"
Hindi nakapagsalita si Angelo at tuluyan niyang iniwan ang Ginang. At pumasok sa kanilang kuwarto.
Malungkot siyang umupo sa kanilang kama at pinag-iisipan ang mga sinasabi ng ina ni Zoey.
"Tama ang iyong ina Zoey, inilagay lang kita sa malaking kahihiyan. Kung hindi rin lang pala ako matanggap ng iyong pamilya ang pagsasama natin. Mas mabuti pang tapusin na lang natin ito. Mahal na mahal kita Zoey, kaya hindi ako papayag na masisira ka sa mata ng ibang tao. Patawad, Zoey. Ako na lang ang lalayo," pahayag n
