Maximus
Masakit ang ulo ko at hindi ko maiwasang mapaungol ng unti unti kong idilat ang aking mga mata. Nagsimula akong mag isip kung bakit ganito ang aking pakiramdam bago ko naalala ang pangyayari kahapon. Huminga ako ng malalim bago lumingon sa tabi ko at napakunot ako ng aking noo ng makita kong wala si Sarina.
Mabilis akong bumangon at tumingin sa bathroom pero walang ilaw kaya malamang na wala din siya doon. Naalala kong hinubaran ako ni Sarina kagabi pero naka sando naman at boxer shorts na ako.
Lumabas ako ng kwarto at ang natutulog na pigura ni Sarina sa couch ang tumambad sa akin. Dahan dahan akong lumapit sa kanya bago naupo sa tabi niya. Malaki naman ang couch, kasya nga kaming dalawa kung tutuusin, kaya lang hindi dito ang lugar niya. Doon siya dapat sa kwarto at katabi ko.
