في طرفة عين

عتمة

في طرفة عين

بارت 14

فتحت عيوني بس مداشوف شي كله سواد بسواد

تلمست وجهي على عيوني شاش.

احس بفراغ عتمه ولااعرف اني وين ومنو وشنو كلشي ضايع.

لحظات سمعت صوت يم راسي گلي

حمدلله على السلامه فرات انت نجيت من الموت بأعجوبه انت قوي والله وهب الك عمر جديد.

سكتت شويه كتله انت منو اني منو ؟؟

انت اسمك فرات واني الدكتور

صارلك 3اسابيع بغيبوبه وصلنه المرحله وجينه نفقدك بس الله سبحانه اله حكمه بيها وخلاك تكمل حياتك وهسه اخوتك راح يجون يشوفوك بعد ماانقلك الغير غرفه.

بعدني ما اذكر شي صداع موتني كلشي احسه فارغ ومعتم.

حسيت بيهم نقلوني الغير غرفه وسمعت اصوات يمي وحجي بس ماجاي افهم شي.

بعدهه شويه شويه رجعتلي ذكريات بعيده بس مااتذكر شون اتصوبت يوم الحادث كله ماجاي اتذكر

اجه الدكتور ورفع عن عيوني الشاش ماجنت اشوف زين والضوه اذى عيوني غمضتهم

بس هم بالتدريج فتحتهم بس اشوف مغوش.

باوعت ولد داير مدايري كالوا احنه اخوتك

شي صعب كلش لمن مااتذكر شي.

كضيت اليوم وياهم وبديت استعيد هوايه ذكريات

تذكرت اسماء اخوتي الي جانوا يمي.

نجم وعلاء وايهاب وزكي بعدهه اجه زياد اخويه زياد حاصرتني ذكريات سيئه عنه جان يضحك بضحكته الماكره الي بيهه خبث وكلي خوف*نا عليك ليش هيج تسوي بينا.

ردت اعرف منهم شون تصوبت

كالوا احنه نشتغل بالسلك السياسي ودائما معرضين الهيج شي مجهولين اطلقوا النار عليك وانهزموا.

تذكرت الشغل بس ماتذكرت يوم الحادث ابد.

بعدها دخلت عليه بنيه وعدها طفل عمره سنه وكم شهر باوعتلها بعد هواي عرفتها هي هديل ابوها صديق ابويه.

كالت: حمدلله ع السلامه ابو عبدالله خوف*ني عليك ليش هيج.

هه ابو عبدالله منو

انت

شمعنى

شبيك فرات مو هذا ابنك عبدالله وانت ابو عبدالله

ابني عبدالله؟ ؟ ومنو امه؟ ؟

اني

هديل انت امه ليش

غير اني زوجتك.

شوكت تزوجتج انيي مااتذكر اخر مره جنه نشتغل سوه بالمقر

اي وتزوجنه

هاااااااا يعني هذا ابني تعال شو بابا

قربته يمي بوسته حلو شعره اسود وبشرته بيضه ويضحك ويسولف وياي واني اول مره أشوفه ابد مااتذكر.

مكدرت اشيله بسبب الاصابه.

بعد الفحوصات والتشخيص الدكتور كلي عندك تجزأ الذاكره يعني اكو احداث تذكرها واكو لا

الذكريات البعيده تذكرها اكثر من القريبه اليوم الحادث.

بقيت بالمستشفى هواي ابويه، اخوتي وهديل دائما يزوروني وبقيت مااتذكر هواي شغلات.

الدكتور كال لان اصابه بالراس اثرت عليه.

ووصلتني للموت لكن من بين القله القليله الي ينجون من الموت بعد هيج اصابه مميته وخطيره نجيت اني!

بقيت قرابة الـ 3أشهر بالمستشفى خضعت خلالها لـعمليات جراحيه جنت مصاب ب3اطلاقات ناريه

بمختلف انحاء جسمي.

ابويه،اخوتي هديل،واهلها ماتركوني ابني بهالفتره تعلقت بي هوايه يوميه اكول الهديل جيبي.

جابتلي تليفون جديد كالت ذاك انفقد بالحادثه.

نجم جان يمي ونزلي بي برامج اتواصل وياهم.

طلعت من المستشفى ودوني للبيت جنت اعرج مااكدر امشي زين على رجليه.

قرروا يسوون إلي حفله بمناسبة سلامتي

من الصبح وهم يحضرون الها وعبود كله يمي يلعب

وامه ملتهيه بتحضيرات الحفله.

بقيت افكر ليش ماكو مشاعر حب تجاه هديل ليش

لعد شون تزوجتها اذا مااحبها؟ ؟؟

بدت الحفله والحضور هواي اكو اعرفهم واكو لا واكو كدرت اتعرف عليهم.

خلصت الحفله وكعدنا كلنا سوه ابويه، خوتي وزوجاتهم هديل واهلها.

وجايبين شيخ؟ !!!

تفاجئت شنو الموضوع والمن هذا الشيخ.

ابويه كال الهديل اخذي فرات وفهمي على كل شي.

رحنه اني وهديل جوه بوحده من الغرف وكعدت وهي كعدت يمي.

هديل:

فرات احنه لازم نعقد هسه

شنو نعقد مجاي افهم

انت قبل الحادث بشويه طلگتني

شنووو يعني اني مطلكج

اي فرات و

اوكفي شنو سبب الطلاق

والله وداعت عبود سبب تافه

لتحلفين بي وكولي شنو السبب ليش طلكتج؟ ؟ احجييي

مو كتلك سبب تافه انت عصبي وصارت مشاكل لان اني اغار عليك وانت تسرعت وطلكتني وهسه لازم نرجع لخاطر ابنا عبودي فدوه ونبدي من جديد كلش واوعدك بعد ماازعجك بغيرتي المفرطه عليك لان والله احبك واغار عليك جنت اسوي مشاكل بس هسه لا نبدي من جديد حبيبي شنو گلت؟ ؟؟ نروح نعقد؟

فرات: هديل طلعي بره وصيحي لأخويه نجم.

فرات فدوه اهدأ

طلعييي كتلج.

طلعت هديل

دقايق ودخل نجم يباوعلي مستغرب

هاا فرات خير اكو شي. ؟؟

نجم انت الوحيد الي اثق بي كولي اني ليش طلكت هديل؟ ؟ تره ممرتاح الها وجاي افتش بداخلي عن مشاعر حب الها مجاي الكه ليش تزوجتها وليش طلكتها. ؟؟

فرات يااخي ا**ر الشر هديل ام ابنك والنا سنين نعرفها يعني ليش ممرتاح الها شهالحجي رجعها توكل على الله.

غير افهم ليش طلكتها؟ ؟

هي تغار عليك وانت مجنت مقصر علاقات هوايه عندك وصارت بينكم مشاكل يعني الغلط بيك انتَ رجعها وتوكل على الله الكل ينتظروك يلا لاتصير اناني وفكر بابنك.

ماشي دقايق واطلع روح انت.

طلع نجم سديت الباب ورا وبقيت وحدي واكف وره الباب غمضت عيوني بهالحظه اريد اعتصر دماغي واطلع بي كل الذكريات الي نسيتهم بهالسنتين

اريد اعرف شنو صار منو هي الخنت هديل وياها معقوله جنت احبهاا؟ ؟ لو بس لعب زين هسه هي وين وشنو احوالها هل هي فعلا موجوده. ؟؟

تعبت ماذكر شي.

طلعت وعقدت على هديل مره ثانيه.

وكل واحد راح الغرفته ورحنا اني وهديل وعبود لغرف*نا.

بس احس بغربه وياهه مااصدك هي زوجتي.

نام عبود واجت هي يمي ونامت على ص*ري كالت بخجل عبود يريد اخو

كلتلها لا بعده صغير خل ياخذ كفايته من الحنان والدلـال.

عوجت حلگها وضاجت.

اكول هديل منو هي البنت الي خنتج وياهه. ؟؟

هديل وبغضب: وحده ساقطه مخلت واحد يعتب عليها من اخوتك ماصادقتهم.

شنوووو انت جذاابه وخري عني مااريدج تنامين يمي.

هي شبيك قابل مجذبه اني هي الحقيقه

حتى لو هي ساقطه اني مااسويها واصاحب وحده بنفس الوقت مصاحبه واحد من اخواني

مو انت متعرف بيها ومتعرف انت شنو مجان يهمك اي شي.

وين راحت هسه هي

تزوجت اهلها رادوا يسترون عليها وتزوجت

شنو اسمها

تصبح على خير.

ليش تتهربين ليش احسج ضامه عليه شي. ؟

اسأل نفسك تصبح على خير يازوجي العزيز.

نطتني ظهر ونامت.

مرت كم يوم ملل كلش ملل وكله بالبيت

هديل تشتغل بالمقر.

خابرت نجم وحاجيته كتله ضايج اريد التهي بشي

ليش مترجع للشغل

اي هو هم هيج من باجر احجي وي الولد وارجع اشتغل وياهم بالمقر.

اكولك فرات تره انت تركت الشغل بالمقر ومن زمان اني وياك نشتغل وحدنه وعدنه شغلنا الخاص الي اسسته انت من فلوس امي الله يرحمها الي جانوا مشغلينها خوالي واني هالايام محتاجلك لان مداكدر وحدي.

صدك! ! ليش تركت الشغل اني شنو الي صار.

انت مجنت مرتاح لشغل ابويه ومن هالحجي.

بس هيج؟ ؟!!

اي بس هيج.

ماشي ارجع اشتغل وياك من باجر ان شاءالله.

ختمتها ويا.

تمددت غمضت عيوني احس حياتي كلها ظلمه اريد اعرف بهي السنتين شنو صار لازم اكو شغلات مخفيه صارت. فتحت عيوني على صوت عبود كعد من النوم. رحت اله ونزلته من سريره.

ونزلت جوه شفت مرت ابوي صبحت عليها.

ردت عليه كالعاده بتكبر.

ورحت ادور ع الخدامه تاخذ عبد تغيرله ملابسه وتريكه.

انطيته الها.

ومر اليوم عادي.

يوم ثاني كعدت الصبح وحضرت نفسي اروح ويا نجم للشغل نجم يجي ياخذني.

واستمرت الايام البعدهه هيجي بس جنت اتعب بسرعه وارجع للبيت.

راجعت دكتور عمود استعيد الجزء الي فقدته من ذاكرتي كال احتمال تفقده وللابد. انقهرت حييل موسهله انسى سنتين من حياتي.

ومااعرف شنو صار بيهااا.

هديل جانت تشتغل وياهم بالمقر مجنت مهتم كلت خليها على راحتها مااحس اهتم الهاا ماادري ليش؟ ؟!

تحسنت حالتي أكثر وكدرت اسوق السياره

هديل ماتسوق سايق يوصلها ويجيبها.

مره الظهر خابرتني

الو فرات انت وين؟ ؟

هسه راح اطلع من الشغل ليش؟

اكولك عبود اخذته ماما وهسه صار عدهه شغل تريد تطلع بلكي تروح تاخذه انت َ

اي اوك رايح.

سديته منها.

ورحت لبيت اهل هديل شافني عبود فرح بيه اخذته وكلت اروح للمقر على هديل هم اخذهــه.

بس وصلت رحت لمكتبها شاف*ني تفاجئت

هاا اشو جيتوا هنا

حبينه نجي عليج عبود خبصني بالسياره ماما و ماما

هاا يله لعد خلي نطلع خلصت ماعندي شي.

يلا اخذي عبودي وروحي للسياره اشوف على ابويه واجي.

وين تشوفه عود بالبيت شوفه.

هي شبيج هديل كتلج روحي للسياره هسه جاي

ماشي. يلا ماما عبد امشي.

راحت وهي تباوعلي مدري شبيهه.

هزيت بيدي شكد تصرفاتها غريبه.

رحت لمكتب ابويه كلولي طالع.

عفته ومشيت وصلت المكتب زياد أخوي بس مافتت يمه لان ذكرياتي عنه مزعجه.

واني دافوت من يم الكتب صادفت وحده شكلها تشتغل هنا.

بس تصرفها غريب من شاف*ني ظلت تباوعلي بعيون حزينه ومتوتره وتتنفس سريع وكعت الاوراق منها.

وبقت واكفه تباوعلي وحتى مادنكت اخذت الاوراق

خزرتها وكفت يمها كتلها بيج شي انت شبييييج؟ ؟؟

كالت بتلعثم وارتباك ماكو شي

ودنجت تلملم الورق الي وكع منها

ثواني وشفت هديل جايه باتجاهي

كتلها هاا شجابج انت بعد

اشرتلي ع البنيه كالت شبيها هي

شمعرفني شبيجن انتن ديلااا لاتعطلينيي

كالت هاك عبود روح جايه وراك

اخذت عبود منها وطلعت اني بقت هي جوه

وصلت للسياره دخلت

دخلت وخليت عبود بحظني وظليت اللعبه

بينما اجت هديل.

من اجت ضايجه ووجها يشمر الوان

كتلها بعصبيه شبيييج

فرات انت الشبيك اني تعبانه من الشغل متعرف تحجي حجي حلووووو

هه محد جابرج ع الشغل والله

ابويه يريدني اتعلم حتى ارشح نفسي

اي يابه رشحي بالعافيه عليكم ليش هو انت شراح تتعلمين هه

عود تستهزأ؟ ؟؟

هاج اخذي عبود يمج خلي اسوق واول مطعم حتى نتغده جووووعان.

حركت السياره ونزلنه بمطعم تغدينه بس هديل وجها يسد النفس هالكد مامعصبه شبيهااا ماادري. ؟!!

مهتميت الها وانشغلت اكل واوكل عبود.

ورجعنا للبيت

ومشت الايام مرات اروح للمقر اذا ردت اي شي بس هديل تعصب متقبل اروح مااعرف ليش؟ ؟

بس اني اروح اشوف اصدقائي او اخواني هناك.

وكل مره اشوف هي البنيه وكلش عجبتني نظراتها بيها حزن واحس اعرفها من سنين بس لأن جانت مقربه من زياد ومن الواضح سكرتيرته جنت اتجنبهاا

رغم طخت براسي كلش.

مره من المرات سوو حفله لاحد المرشحين من الحزب سووهاا بالبيت ابويه وزياد شون يحبون الفخفخه والتفاخر والتبذير فدعوا الناس الاصدقاء والاهل الطاكين منهم طبعاا.

صدفه شفت البنيه سكرتيرة زياد ويا البنات الجانوا يديرون الحفل ويشرفون عليه.

جانت تتحرك وتباوعلي بذات نظرة الحزن الي بعيونها لابسين زي واحد كلهن هي وباقي البنات بس هي جانت مميزه بالبنطلون الاسود والقميص الابيض.

ظليت مركز بيهااا طول مااشوفهاا.

انتبهت على هديل وزياد جاي يحجون بس كأنهم يتعاركون بالحجي هيج واضح من بعيد بس معرفت على شنو ؟؟ وكالعاده اني مااهتم الهديل غصبا عليه ولااهتم لاي شي يخصها جان هالشي يضوجني بيه واريد اعيش وياهه زين بس مدااكدر.

فتت جوه للبيت لان الحفله جانت بالحديقه.

رحت للحمام وطلعت

واريد ارجع للحديقه

سمعت صوت شي ان**ر رحت على مكان الصوت

ممر بين المطبخ والصاله سمعت صوت شهكه مثل بنت جاي تبجي كلت يمكن تأذت بالشي الي ان**ر خلي اروح اشوف.

فتت للممر شفتها تلم الكزاز وتبجي وكفت يمها نفسهه البنيه.

كتلهه شبيج خو ماتأذيتي رفعت راسها وعيونها كلها دموع.

ماتحجي بس تبجي

ضحكت كتلها عليمن تبجين ع الكلاص فدوه تره ميسوى.

كالت وبدموع شلال على خدها ليش مجاي تتذكرني فرات ليش جاي سوي نفسك متعرفني.

فرات:

فتحت عيوني اباوعلها مجاوبت شي.

ثواني وخلت ايدها على حلگها مثل تندمت على الحجته.

گتلهه شنوو عيدي مجاي افهم انت منو حتى اتذكرج؟

دنكت ظلت تلملم بالكزاز وتمسح دموعها كالت انسى

كتلهه احجييي.

سكتت مجاوبت

لزمتها من ايدها كومتها هي ضعيفه وخفيفه بسرعه اجت بيدي صفيتها ع الحايط كتلها احجي اسمعج

ماكو شي والله اني مرات احجي بلا وعي.

احجييي كتلللللج "بخزر"

ظلت تتلفت منا ومنا كالت اني جنت صديقتك وبينه علاقه بعدها انت تزوجت وتركتني هذا كل الموضوع.

انت متأكده ماكو شي تردين تكولينه بعد؟ ؟؟

لا ماكو صدگني عوفني استاذ خل اكمل شغلي.

هديتها وراحت.

بقيت واكف اني شون نسيت اسأل عن اسمها اصلا اني انسى هوايه شغلااااات دتصير بعد ماطلعت من المستشفى واثناء تواجدي بيها.

مرات هديل تكولي على شغلات وانسى وتضوج وتعصب وعرفت طبعها كلش محلوو.

رجعت للحفله بس بعد مشفت البنيه شكد دورت ملكيتهااا.

خلص الحفل.

ومرت الايام.

شغلة النسيان تضوجني وكلهم ينبهوني عليها خاصة هديل ابد ممتحمله راجعت طبيب وكال هذا كله تاثير ومضاعفات الحادث .

طلعت من العياده وشفت محلات مال اطفال نزلت اشتري فد لعبه لعبودي.

دخلت للمحل وظليت افتر واقلب باللعب وافكر هو شنو يحب من لعبه نسيت شنو؟؟

باوعت شفت البنيه الي تشتغل ويه زياد ووياهه ولد عمره تسعه عشره بهالحدود لازمته من ايده ويفترون. شاف*ني ارتبكت رادت باي طريقه تفلت.

بس اني رحت يمهه وسلمت عليهه.

هلوو

هلو

شونج

زينه وانت َ

زين الحمدلله. منو هذا اخووج.

لا هذا ابني

ابنج؟ ؟ ماشاءالله كبير ممبين عليه ابنج انت مبينه زغيره

ها اي تزوجت بعمر زغير

اهاا

اني اترخص

ممحتاجه شي

لا تسلم مع السلامه.

اخذت ابنها وراحت واني بقيت مركز عليها طول ماهي في حدود نظري.

واحجي بگلبي طلعت متزوجه وعدهه ولد هممم واني عبالي صاحبته الزياد.

ان بعض الظن اثم.

ردت اطلع ونسيت اني على شنو جاي

لاادري هي نستني ولاادري تاثير الحادث

اخذت لعبة سياره لعبود وطلعت.

مرت كم يوم رجليه تاخذني للمقر واتعمد افوت من يم مكتب زياد حتى اشوفها

لبسها كله اسود سواد عيونها وجرة الكُحلة وي نظرات الحزن ونظراتها الي ماتتفسر من تشوفني

زايدها حلا وسحر.

جذبتني أسرتني بس من اشوف زياد يتقرب منها هوايه ويحي وياهه ابتعد واطلع وانسى على شنو جاي أني.

رغم تذمر هديل من كثرت روحاتي للمقر بس احس وحدها رجليه تاخذني اله

هديل صايره مثل المخبله ماادري هي دوم هيج أسمعها تخابر وتعارك

اسألها شبيج وي منو تتعاركين

وي اخوك زياد كون طلقه براسه واخلص

ليش شكو

ع الشغل شسويله مجاي يفهم

ع شنو هدييل غير افهم

هاا انت تعرف اني ع الدوره الانتخابيه الجايه يصير عمري 30 ويحق الي ارشح وهو يريد الترشيح اله

هههههه هههههه ههههه على هي عركتكم؟ ؟ اذا انت وزياد تصيرون بالبرلمان على العراق السلام والسلام اني طالع.

تعال وين تطلع احنه معزومين ع الغدا يم اهلي مو متجي مثل ذيج المره لاتفشلني فرات

افشلج شنو اشو متعرفين تحجين انت

لعد تعال .

اي خوش.

بوست عبود خزرتها وطلعت بالسياره خابرت اخويه نجم

هاا نجم انت وين

بالبيت

جاي يمك

تعال هله بيك.

وصلت لبيت نجم استقبلني ودخلت جوه شفت ابنه عزيز شلته وبوسته شكد حلو وميستغرب بعمر ابني.

كعدنا وهو بحضني نسيت اجيب ويايه فد لعبه اله شوكت اتخلص من النسيان. !!

كتله نجم تعرف شي اني ناسي ومااتذكر شوكت صار عزوز ابد بس اتذكر زواجك.

هههه ميخالف اخي المهم انت تتذكرنا عزوز صار بعد عبودي بشهرين.

اهاا بس انت تزوجت قبلي.

اي تاخرنا يله صار عزوز اله بالعلاج يلا وهسه هم مديصير.

يله بعده صغير دللو خطيه لت**رون خشمه. وكرصته من خشمه وبسته بخده وهو انزعج من الكرصه بس ضحكتله ضحك.

هم يالله ياخويه

اجت رؤى سلمت عليه كتلها هاا شنو طابخه اليوم

نجم: ههههه رؤى تطبخ حبيبي احنا اكلنه كله جاهز.

رؤى: هو عزوز يخليني اطبخ

فرات: هههه المهم غداي عندكم.

نجم: اي طبعا لعد شون منخليك تطلع اليوم

صار وقت الغدا وتغدينه وخلصنه وشربنا جاي وكعدنه نأرگل.

وعزوز يمنه

يمعود نجم ودي عزوز يم امه ميصير عليه دخان الارگيله.

خلي خلي يتعود

لا لا صغير خطيه.

شلته ودخلت وكفت يم الدرج اصيح لرؤى تجي تاخذه

اجت اخذته وصعدت.

ورجعت يم نجم اني.

دك تليفونه جاوبه

نجم. :هاا هديل شونج اي فرات يمي هسه انطيجيا

فرات هي هديل تريدك

فرات: الو هاا هديل شكو

هديل: صدك تحجي فرات شنو شكوو انت متدري بنفسك شسويت. ؟

شسويت شصار يعني

تليفونك وين

باوعت منا ومنا تلمست جيوبي ماكو كتلهه ماادري يمكن ناسي بالسياره

واحنه شون وي هالنسيان هاا ماتكلي شون

شبيج اكدر اعرف

مو ع اساس نتغدا اني وياك يم اهلي

وهسه شنو صار

هسه ساعه تلاثه وانت مااجيت

اي وتغديتوا؟؟

لعد ننتظرك انتظرناك كوومه واتصل بتليفونك متجاوبني

مدام تغديتو هسه ليش متصله شتردين؟

اوووو راح تموتني انت فرات راح تموتني اني اكول البابا يشوفلي صرفه وياك اني مااتحمل بعد مااتحمل هف هف ..

درووووحي.

سدته وشمرت التليفون على نجم.

نجم: هاا شكوو شبيها هديل

يمعود ع اساس نتغدا ابيت اهلها

اي! ؟؟

واني نسيت وتليفوني ماادري وين

نجم: ههههه علستها

اي هههههه اكول ابو عزوز كلش ضوجه مو؟ ؟

اي والله شنسوي بس نخلص هي الطلبيه نسافر نتونس شنو رأيك؟ ؟

ياريت ضايج كلش وروتين ممل قاتل اريد شي اتسلى بي.

اي نسافر هم نتونس وهم هديل و رؤى يتونسون

لا لا لا

شكو شبيك فرات

نجم اذا نسافر وحدنا مااريد اخذ هديل وياي اني.

ليش خطيه عبود خلي يشوف الدنيا.

بعد صغير خل يكبر اخذه وياي وين مااروح بس هسه هو هم ميفتهم شي هديل اذا اسافر تطلع السفره من خشمي اريد اتونس وحدي

لعد هذا هو عليها غير مره أخذ رؤى ونسافر.

فرات:

اتكيت وضحكت كتله تدري شنو اريد؟ ؟

شنوو

هههه عاجبني اسوي علاقه رومانسيه

يمعود دكعد واسكت انت متزوج وعندك ولد.

عجبتني وحده بس طلعت متزوجه

منو هي؟ ؟

صديقه قديمه هي تكول

منووو هي

شبيك جفلت نجم

- هااا زين هي اذا متزوجه شون جنا على علاقه مثل متگول؟ ؟

شبيك فرات تحجي وحدك

والله مادري مداافهم

فهمني شبيك

غلللس نجم غللس، اريد انام نعست.

بعدها نمت عدهم للعصر ورجعت للبيت وتعاركت وي هديل وعصبت ولزمت ايدهه ولويتها وتدخل ابويه

وظل يعيط

انت مصير الك جاره هم رجعت على سوالفك ليش تاذي البنيه مو كلنه بلكي تعقل بعد الحادث ابد ولا تعقل ابد.

ضوجني كلام ابويه كتلهم محد يعذر الحاله الي انه بيها

هو وهديل كالوا انت من قبل هيج ومراح تتغير.

اخذت مفاتيح السياره وطلعت من البيت احس بداخلي حنين الشي مداعرف شنو هو.

رجليني دتاخذني المكان لااراديا عقلي وبالي مشوش ومااعرف اني وين متوجه احس مشتاق الشي بدون مااعرف شنو. ؟؟؟

وكفت يم عدة اماكن وكانها بيها شي يخصني بيت وبيت لخ وصالون نسائي بس مدااحصل ضالتي.

فجأه شفت نفسي يم المقر دخلت ورجليه اخذتني للمكتب مال زياد. فتت من يمه اكو مكتب قبل لاادخل لمكتب زياد هذا الي للسكرتيره.

فتت باب المكتب مفتوح شويه سمعت اصوات بنيه يمه طليت من فتحة الباب شفتهم كاعدين ع القنفه والبنت كاعده بحضنه وايديها محوطه عنقه وهو يبوس بيها بعدت عنه وجهه صار بوجهي بس مشاف*ني وجانت تضحك تعرفت عليها

ملامحها وصوتها وحركاتها بس هي ليش يم زياد

ليش ليش وشجابها عليه؟ ؟؟!!!

يتبع