في طرفة عين

تهديد ١٢

في طرفة عين

بارت 12

ظل فرات يعيط عليه

ولج عرفت عندج شي ضامته عني ليش تخليني اتصرف وياج هيج انت صدك مو ادميه وراح اتغير بتعاملي وياج منا وهيج.

اريد احجي ميخليني يسكتني

وصلنه للبيت نزل من السياره واجه فتح الباب الي كال تنزلين لو انزلج بطريقتي.

بقيت كاعده كتله مخايفه منك اني وممسويه شي غلط.

سحبني ودفعني يم باب البيت فتح القفل ورجع شالني ودخلني جوه شمرني بالصاله.

كعدت وثنيت رجليه احمي نفسي منه خاف يض*بني بعد

كتله واني ارجف وابجي

فرات كافي تض*بني كتلك مسويت شي غلط اني رحت اشوف ابني.

ابنج منين طلع بعد

خليني اشرحلك تره مسويت شي اني ومخايفه منك شتريد تسوي سوي.

اني اخليج منا وهيجي غصب تخافين مني.

رفع ايده ض*بني على ايدي

كتله كافي ضررب فرات كاااافيييي اصرخ وخليت ايديه على وجهي.

كعد مقابيلي نزع سترته وشكل رداناته

كال اششش بلا صياح احجي اريد اسمع منج.

اباوعله ودموعي مااوكفت اشهك واحجي واقوي بنفسي اضوج اضعف كدام احد.

كملت كلامي كتله من عشر سنين جنت متزوجه عمار ابن عمي.

اني كلت هيج وهو تخببل شكو شي يمه يض*بني بي تليفونه سويج السياره كله اجه بيه.

لزمني من شعري اييي عرفت عرفت اكو شي شكگ ملابسي من فوك وطلع كتفي كال جنتي تحبي ها ولهسه ولهيج ضميتي عليه هو صاحب الوشم حرف A

Ammar مو؟ ؟

رفعت راسي احجي ويا بصياح

لا مو هيج فرات مو هيج الوشم قبل لااعرفك وانت ويا اثنينكم وجهين لعمله وحده انت هم حبيتك وشون جازيتني مو جرحتني و**رت قلبي.

لججج لتقارنيني بي لو عنده شرف و ذرة غيره عليج وانت بنت عمه ميوفتج لهيج فندق مال عرگچيه وگ***

انت هم مقصرت ويايه راجع نفسك شسويييت بيه وكله وحبيتك ونسيت كولشي واقتنعت اعيش وياك بالظل وشون جازيتني؟ ؟

هسه شتريد سوي سوي اريد ابني اني اريد ابني ظليت اللطم على رجليه وامشع بروحي واخرمش فقدت كلش

لزمني من ايديه كبلني وعصرني حييل

اششش اسكتي خليني افتهم شنو سالفة ابنج

هدني يله هدني فرات جاي تأذيني

اهدج متأذين نفسج. ؟؟

عوفني وخر عني وخرررر مقصرت متريد اذي نفسي بس انت تأذيني.

تركني ...

زحفت وابتعدت عنه ورحت بصف القنفه وثنيت رجليه وكعدت احجي.

بغصه بحلكي ومراره

من عشر سنوات جنت متزوجه عمار جان وضعي كله مختلف ومجنت هيج يمكن لو تشوفني بلحظتها مراح تگلبني وياريت بقيت على حالي واقتنعت بنفسي وماغيرت روحي مجان حالي اني هيج.

تزوجت عمار بمكيده من امه وخالته واني يتيمه استغلوني وسلبوا من روحي روح اخخ شكد صعبه ولدت طفل وكلولي ميت وقنعوني بهالشي وعافني عمار لان هو اصلا مجان يريدني بس عرف الطفل مات رأسا اتخذها حجه وطلگني.

هسه جاي يكولي ياسر ابننا وماميت وانما جان بوقتها اخته متزوجه وميصير عندها طفل وزوجها راد يتزوج فاخذوا مني ابني ونسبوا الها وهسه شون اكتشفوا مااعرف مااعرف

بس ياسر ابني وانت عندك ولد حس بيه فرات مادخلت للفندق عمود شي اني رحت لأبنيي

انت شون تصدگيي الهذا وشنو اليثبت هذا ابنج؟ ؟

احساسي فرات اني ام وهواي عانيت هوااي.

وشون صدكتيهم من كلولج مات مشفتي؟ ؟ شهادة وفاته مانطوجياهه وعمار اكيد مشترك وياهم بالجريمه هي.

عمار مجان موجود واني جنت زغيره 16سنه وابويه هنا جان يم مرته وامي عايف*ني من اني طفله ومالي احد ابد شكد كتلهم ودوني القبره محد قبل من اجه عمار من السفر جنت متأمله بي بس صدمني بقراره بالطلاق وأيست من كل شي.

حسيت بفرات هدأ يمكن انقهر عليه راح من يمي بقيت وحدي ربع ساعه ورجع كعد مقابيلي

يباوع ويحجي كال وين مفاتيح سيارتج وتليفونج؟

بالجنطه والجنطه وكعت بسيارتك.

طلع ورجع بيده جنطتي طلع منهه تليفوني ومفاتيح السياره كال :

منا وهيج تبقين هنا ماكو بعد لاتليفون ولا سياره ولاروحه لبيت الحجيه هذا امر ويتنفذ

وكفت كدامه

شنو راح تحبسني هنا

مجاوب وراح

سمعت صوت سيارته حركت! !

رحت للباب اريد افتحه مينفتح.

رجعت للصاله لاموبايل ولااكدر اطلع هي شون بيه اني.

رحت غيرت ملابسي وكعدت وبالي كله يم ياسر ياترى راح يرجع لحضني بيوم ؟!!

كعدت افكر بالماضي نعصر گلبي بالالم وياسر اخخخ ماعرفته عنه شي ولاعرفت شون جان عايش والحاله الي هو بيها هسه الله يعلم شكد متأذي لان مبين تعبانه نفسسيته اخخخ حبيبي شسوو بيك يبعد عمري ظليت الوم نفسي اني ضيعته اني خليت كل هذا يصير.

واني على هالحال انفتحت الباب ودخل بابا ع كرسي المتحرك ويدفعه فرات.

رحت يم ابويه واخذته من فرات يباوعلي ويخزرني

خليت ابوي بالصاله وفرات اشرلي رحت يمه وكتفت ايديه گتله نعممم ودرت عنه نطيته ظهر

دارني اله كلي باعي هذا ابوج ويمج بعد حتى الصالون انسي ماشي عقوبه الج تبقين هنا.

شنو عقوبه ليش اني شسويت؟ ؟

كل هذا وتكولين شسويت؟

اي ماسويت شي غلط.

نادين غلطج ضميتي عليه جان مفروض التكوليلي.

سكتت ..

وهو راح واني رحت يم ابويه كعدت يم رجلي وهو بس يكرك ويهذي ويصيح.

اسمع صوت بالمطبخ دقايق وصاحني

نادين، نادين

رحتله للمطبخ بدون مااجاوبه شفته مليان علاليك مسواك

كال تردين شي بعد شوفي شنو ناقصج وكوليلي

كتله:

اريد ابني يمي اريد ياسر جاي تفهم عليه؟

ماشي وابنج هم يجيج هسه رايح اجيبه.

مجاوبته ورحت يم ابويه.

حسيته طلع رحت للمطبخ رتبت المسواك وسويت اكل غصبا عليه اشتغل بالي كله يم ياسر وابويه اذا مياكل يظل يدردم.

لليل اجه فرات تلگيته من الباب.

هاا وين ياسر؟ ؟

مالكيته

يعني شنو فرات هاا يعني ياسر ضاع بس كولي

مشى خطوات وخله ايده على شعره ورفعه الفوك

كال:

ماادري لا هو ولا ابو ماكو

صرت كباله واصيح بوجهه

كلها منك انت بعدتني عنه راح تموتني ادري كولي شرايد مني انت شرايد عوفني اطلع ادور على ابني.

لزمني من زندي

اشش اهدئي لتصيحين ابنج وي ابو وبس الگي اجيبه الج افتهمتي.

دخل جوه

بقيت بالصاله ابجي وابويه هم شافني ظل يبجي ماادري حس بيه وبوجعي ماادري بس هو دائما هيج يبجي وحده.

بالليل فرشت لابويه ونزلت من الكرسي مالته ونومته جوه بالصاله واني كوه نمت تمددت ع القنفه.

وافكر بياسر وكلي حقد على عمار فرات اثنينهم جاي يأذوني بأبني فوك اذية اهل عمار الي هسه اذيتهم ذول.

كعدت من الفجر على صوت بابا يريد يروح للحمام رحت وديته وراد اكل سويت اله.

طلعت الشمس كعد فرات بس ماحجه ويايه واني هم ماحجيت

كاعدين بالمطبخ اني وابويه طب للمطبخ شعره مبلل

سواله كهوه شرب وغسل الكوب ونشفه وخلاه بمكانه وطلع.

هو دائما هيج يحب النظام.

كل مره يسوي النه ريوك اني ويا بس هسه ديبيع ثگل عليه عباله اني مهتمه اني حايره بياسر ابني ضنااي قطعه من روحي وصدك خسرته مرتين.

طلع فرات وره ربع ساعه اجه اني جنت اخلي ابويه بفراشه بالصاله.

وكف يمي غطيت ابويه وباوعتله انتفض گلبي كتله هاا اكو اخبار عن ياسر

زفر نفسه كال لا بس هاج هذا التليفون بقي يمج وبس اخابر تجاوبين خووش.

خذيته منه وشمرته ع القنفه كتله وياسر

رجع شعره بثنين ايديه ليوره كال مالكيته

لزمته من قميصه يعني شنو مالگيته هو انت يصعب عليك شي فرات لتجذب عليه وينه ابنيي وينه؟ ؟؟

لزم ايديه كال عمار فص ملح وذاب مجاي اكدر الكاه جاي اكلج وراح ابقى ادور عليه وعدتج اجيبه الج اصبري اصبري.

عافني وراح.

يكولي صبري شكد اصبر منين جتي هاي ياربي.

تعبتت تعبت كلش.

اصبر بنفسي اكول اكيد عمار لكه ياسر واخذه وراح يمكن عبر بي التركيا وبعد مااشوفه شسوي لايفيد بجي ولااكدر اسوي شي واني محبوسه.

رحت للتليفون الي نطانيا فرات.

فتحته ماحافظه ولا رقم بس رقم الحجيه

دكيت ماكو ميتصل يكول لـا يمكنك الاتصال

يمكن السيم واكفه ومااكدر اتصل.

شمرته.

ورحت اتلهه بأي شي بلكي أنسى.

سمعت صوت تليفون ظليت ادور شفته نفسه الي جابه فرات طلع بس يستلم المكالمات ما اكدر اتصل بي اخخخ منك فرات.

رحت جاوبت

فرات كلي تردين شي محتاجه شي انتوا زينين بالبيت ابوج زين ؟؟

كتله اي اريد ادويه لابويه ماعنده.

ماشي فد ساعه واجي اخذ الوصفه واجيبله.

سديته منه.

وره ساعه اجه اخذ الوصفه وجاب لابويه دوه وبقه يمي بالبيت وين مااروح يباوعلي.

بالليل هو ينام بالغرفه واني بالصاله.

مرت 3ايام نفس الشي وماكو خبر عن ياسر وعمار واني من جوه اتفتت كوه مقاومه طلع فرات الصبح بدون منحجي.

واني طكت روحي.

ابويه يكعد من الفجر وينعس الضحى وينام للعصر او للظهر.

نومته ورحت للمطبخ خلصت شغلي ودخلت سبحت وطلعت.

سمعت صوت التليفون رحت شفته اكيد فرات مجاوبته خلي يولي اريد اضغطه اشوفه شيسوي.

ظل يدك هوايه عفته ورحت للمطبخ اسويلي لكمه اكلهه جوعانه.

خليت بيضتين ع الطباخ حتى اسلكهم درت اريد احط فوكهم مي .

درت صار گبالي فرات صحت يمممه

تقرب مني كلش وخزرني

انت ليش متجاوبين؟؟؟

هي كوه مااريد اجاوب

هي شيسموها بالله ؟؟

ليش ههههه عبالك انهزمت منك؟ ؟

شحدج تنهزمين

هه وشسووي؟ ؟؟

شالني من الارض كال مشتاقلج ولج

يمكن اني هم جنت مشتاقتله ومليت من هالوضع ومن هالكأبه.

ضحكت وهو هم ضحك

كال اتمنى احضنج لحد ما تلامسين عظامي وتمتزجين وي اوردتي وشراييني اريد اضمج بروحي مو رغبه بيج لا وانما حاجةً الج احبج لدرجة احتاجج مااريدج تغيبين عن عيني ولا لحظه اريد اضمج بگلبي و بروحي اريد اصير وياج روح وحده وحتى جسد واحد.

يمه فرات دتخوفني بحجيك هذا.

داتغزل بيج ليش تخافين؟؟

مادري مااحسه غزل

اتمنى حب فرات الي بغير زمن وبغير حال يمكن جان حالي ويا غير ويمكن جان اسعد وحده بالدنيا اني بس السعاده متجي كامله مستحييل.

رحنه للغرفه............

مرت كم يوم فرات كله يمي استغربت كلش

معقوله ميروح يم مرته يم ابنه! !!

بالنهار يطلع ويجي بالليل ويبقى يمي.

واني بعدني الوب اريد اعرف اخبار ياسر شنوو

بالليل كاعدين بالغرفه اني ويا كتله اريد تليفونك اراسل ام بنين فتحه وخلاه بيدي.

اخذته اريد ابحث الفيس مال ياسمين حتى اخذ رقم امها واتواصل وياهه كلش مشتاقه الها اريد تعرفلي اخبار الحجيه شنو وبلكي

تعرف عن عمار شي هيج اتامل اعرف شي عنهم.

ورقمها ماعندي لذلك اراسل ياسمين من صفحة فرات.

اول مالزمت الفون وصلت اشعارات من صفحة هديل زوجة فرات اني اعرفها الصفحتها.

اخر رساله قريتها بصورة الدردشه ع الشاشه كاتبتله

بسيطه فرات تطلگنييي اني اعلمك انت راح تجبرني اسوي شغلات عمرك ممتوقعها تصير الك !!!!

يتبع.