Chapter 70
MIKAY
Hanggang sa makabalik kami sa hospital ay hindi pa rin humupa ang tungkol sa nangyari sa pagitan namin ni Caitlyn. Nadagdagan na naman ang isyu ko sa hospital. Una yung pinipilit nilang maling dose ko, pangalawa yung pagiging Ynares ko, at pangatlo yung kay Caitlyn.
"Sobrang hirap talagang maging ako," pagmamaktol ko saka ko ibinagsak ang katawan ko sa sofa.
Katatapos lang ng duty ko pero mas pagod pa ako dahil sa mga tingin sa akin ng mga tao kesa sa mismong ginawa ko. Kasalukuyan akong nagpapahinga rito sa nurse lounge bago ako magpalit, kasama ko si VJ na mukhang kanina pa kating-kati na magtanong sa akin.
"VJ, tama na ang kakatitig sa akin, oo, apo ako ni Doc Ynares," saad ko saka ko siya nakangiting binalingan ng tingin.
"Seryoso talaga?"
Nagulat ako nang bigla
