Chapter 50
MIKAY
Hays! Sobrang lambot ng kama, sobrang sarap yakapin ng teddy bear ko... naramdaman ko na medyo basa ang gilid ng labi kaya ipinunas ko ito sa teddy bear na yakap-yakap ko... pero teka? Bakit ang tigas ng teddy bear ko? Hinaplos-haplos ko ang tiyan ng teddy bear ko para masiguro kung tama ang nahahawakan ko.
"Hihihi," hagikgik ko nang tinusok-tusok ko ang tiyan ng teddy bear ko. Hindi ko alam na pati teddy bear pala ay may abs na rin. Marahan ko itong hinaplos, dinadama ang bawat pandesal na mahawakan ko.
"Nag w-work out ka ba mister teddy bear?" tanong ko saka ako muling humagikgik na akala mo kinikiliti ako.
"I'm working out."
Muli akong humagikgik, nagsasalita rin pala si mister teddy bear. Naramdaman kong may humawak sa kamay ko kaya napatigil ako sa paghaplos.
