Chapter 73
MIKAY
Hawak ko ang aking ulo nang magising ako. Para itong mabibitak sa sobrang sakit. Kahit ayoko pang bumangon ay kailangan kong bumangon dahil may pasok ako ngayon, tapos may duty pa ako sa hospital. Wala na si Damon sa tabi ko, siguro ay pumasok na ito. Mala zombie akong naglakad papunta sa C.R.
"T-Teka!"
Tila nagising ako nang bigla akong natauhan.
"Bakit nandito na naman ako sa kwarto niya?" takhang tanong ko.
Mariin kong ipinikit ang aking mga mata at pilit inaalala ang nangyari... pero walang pumapasok sa aking braincells. Parang otomatikong nag shutdown ang utak ko dahil sa alak na nainom ko.
Matapos kong mag shower ay naginhawaan naman ako. Mabilis akong nagpalit at bumaba para makapag-almusal. Iniipit ko pa ang aking buhok ng pataas nang matuyo ko ito kanina.
