Chapter Twelve
MAYUMI
WALANG AALIS NG BAHAY.
Nagpaulit ulit iyon sa pandinig ko. Paano na ang plano ko? Ni hindi ko masabi ang gusto kong sabihin dahil pinangunahan na ako ng takot ko.
“Yumi anak, hindi mo naman kasi kailangang gawin pa ito para lang maghabol sa kanya,” wika ni papa matapos ang mahabang katahimikan.
“Pero pa, siya yung gusto ko. Kung hindi ko gagawin ito, pagsisisihan ko lang ito habang buhay. Kaya sana maintindihan niyo ako,”
“Anak, pinalaki ka namin ng mama mo ng maayos. Gusto namin ay maitrato ka ng mabuti,”
“Pa, mabait naman siya sa akin. Nakita niyo naman diba?”
“Iba ang usapan na iyon anak. Gusto naming maranasan mo ang maligawan. Gusto naming makita na may umaakyat ng ligaw sa iyo. Ikaw ang unang babaeng anak naming mag-asawa kaya sana ay makita namin iyon s
