Chapter Eight
MAYUMI
“WALA akong ninakaw sayo tandaan mo iyan. Ikaw, kayo ang may ninakaw sa akin. Simula noong dumating kayo, napunta na lahat sa inyo ang atensyon ng tatay ko. Napabayaan na niya ang responsibilidad niya sa akin dahil lagi na lang kayo ang binibigyan niya ng pera at atensyon. Yung nakuha mo sa gamit ko, pera ko iyon. Pinag-ipunan at pinagtrabahuhan ko yon. Walang nanggaling sa inyo o sa kahit na sino sa pamilyang ito. Kaya huwag kayong umasta na ako pa ang pabigat sa inyo dahil ang totoo ay kayo ang pabigat sa akin,”
Nang marinig ko ang mga ito mula sa kanya ay mas kinaawaan ko ang katayuan niya sa buhay.
Sumunod ako sa kanya nang tumakbo sila ni Nathan papunta dito.
Nakatayo ako sa likuran nila habang nakikipagsagutan siya sa kanyang madrasta.
Bata-bata pa ito. Sa
