Chapter Ten
MAYUMI
“ALAM mo? Masyado kang halata. Mukhang kailangan nating ayusin ang temper problem mo, ATE,” hawak hawak niya pa rin ang braso ko at gusto niya ay nakatingin lang siya sa akin habang sinasabi niya iyon.
“Tse, magbigti ka sa puno ng sili. Bye,” iniwan ko na siya at nagpatiunang pumasok sa loob.
Kaming dalawa na lang pala ang hinihintay at kakain na.
May sariling mesa ang mga bata at nakasalampak lang sila sa sahig. Independent na ang apat na mga panganay at hindi na kailangang bantayan habang kumakain. Naka walker pa rin ang kambal at tanging mga dinurog na pagkain pa lang ang kaya nilang kainin. Si Beatrice naman ay buhat buhat ni Aling Berta.
Nagsimula na kaming kumain. Magkatabi ang mag-asawang Baste at Ruby. Abala si Baste sa paghahain para sa kanyang asawa haba
