Chapter Six
MAYUMI
“ANONG klaseng nobyo ka na hinayaan mong umuwing lasing ang anak ko?”
Napatingala kaming dalawa habang nakaakbay ako kay Amir at inaalalayan niya akong maglakad dahil sobrang nahihilo na talaga ako sa kalasingan.
Paano ba naman kasi, ang galing palang uminom ni Kyla, nadala ako. Samantalang si Ruby at Lara, pakuanti-kaunti lang. Ladies drink iyon pero hindi ako sinanto ng alak na iyon.
Paktay. Kung hindi ako sinanto ng alak, mas hindi ako sasantuhin ni papa dahil sa hitsura ko ngayon. Kasama ko pa man din si Amir. At teka, ano yung sinabi niya? Nobyo ko si Amir? Gusto kong matuwa pero sa pagkakataong ito ay hindi ko magagawa.
Sa hindi inaasahang pagkakataon ay halos nagkasabay ang pagkulog at pagkidlat na sinundan ng malakas na buhos ng ulan. K
