NAKAUPO SI MAXINE sa harapan ng kanyang study table at nakaharap sa kanyang laptop. Nagre-research siya tungkol sa mga nabasa niya sa Werewolf Hunters Book. Umaasa siya na sana ay may mahanap siya o malaman, lalo na ang tattoo niya sa kanyang palad. Napatingin siya sa kanyang palad. Alam niyang hindi niya ito maitatago pero susubukan niya pa rin itong itago. Lahat ng nababasa niya ay wala namang matibay na mag ebidensiya. She sighed. Bakit ang hirap? Sinulyapan niya ang libro na nasa tabi ng kanyang laptop at nangalumbaba.
"Bakit hindi ka na lang naging nobela para mas madali kong maintindihan ang mga nababasa ko sa'yo?" Aniya.
Napailing siya. Baliw na yata siya dahil kinakausap niya ang isang libro na alam niyang hindi naman ito sasagot sa kanya.
"Amore?"
Agad
