NAKATITIG SI MAXINE sa buwan. Malapit na ang full moon. Ang sinasabi ng boses na nagsasalita sa kanyang isipan. Isang linggo na lang ay full moon na. At habang papalapit ang full moon ay hindi niya maiwasan ang kabahan para sa royal family. Hindi niya pa nasasabi sa mga ito ang balak ni Coleen ... and speaking of that woman. Tumalim ang mata niya nang makita niya itong nasa training ground at kasama si Hazel. Nag-uusap ang dalawa at kapagkuwan ay tumakbo ang mga ito paalis. Kumunot ang nuo niya. Bakit biglang kumabog ang dibdib niya na parang may masamang nangyari?
Maxine, please, come in the King and Queen's room. Ani Zeus sa kanyang isipan.
Coming. Aniya.
Kinakabahan talaga siya. Habang naglalakad patungo sa kwarto ng hari at reyna ay mas lalong bumibilis ang
