"Anong ipagtatapat mo sa amin ng Mama at Lola mo, Zandro? Aba'y baka kung ano ang sabihin ng magkapatid oras na malaman nilang nandito tayo samantalang nasa bahay sila," agad na sabi ni Mang Ronald sa anak.
"Tama ang Papa mo, anak. Kahit siguro batang kalsada ay makakahalata kung isatsapuwera mo sila sa usapan. May kinalaman sa problema ng magkapatid ano?" tanong naman ni Aling Sharon.
Ang nag-iisa nilang anak ay dinala sila sa bukid. Mabuti na nga lamang at may kubo silang pinasadya roon. Aliw na aliw naman kasi ang magkapatid sa bukid kaya't kahit hindi nila hiniling na magpagawa sila ng kubo ay nagkusa sila. Advantage rin naman nila iyon dahil sa tuwing may patrabaho sila sa bukid ay doon sila sumisilong. Hindi na rin nila kailangang uuwi para sa tanghalian.
"Alam kong may importante
