ليالي البدر

الفصل الاول

داخل مستشفي في الولايات المتحدة الأمريكية داخل غرفه العنايه المركزه نجد رجل كبير يبلغ ال65 عام من عمره وجسده موصل بالاسلاك ويتحدث بصعوبه فهو شهاب الدين المنشاوي والد بدر الدين

ونجد بدر الدين يجلس بجواره ويمسك بيده

بدر الدين :ارجوك يا بابا بلاش تتعب نفسك انا هطلع انادي للدكتور

شهاب الدين :انا لازم اتكلم يا بدر مفيش وقت لازم تنتقم منه ومن أولاده لازم تحرمهم من الراحه والسعاده اللي حرمنا منها

بدر :حاضر يا بابا بس عشان خاطري ارتاح

ضغط شهاب الدين علي يده وقال :اوعدني يا بدر انك هتنتقم منه ومن ولاده اوعدني

بدر :اوعدك يا بابا انهم من النهارده مش هيشوفوا يوم راحه ولا سعاده

فجأه سقطت يد شهاب الدين من يد بدر الدين ودوي صوت جهاز القلب ليعلن عن توقفه

بدر :بابا بابا رد عليا بابا

حضر الأطباء مسرعين وقاموا بإخراج بدر الدين خارج الغرفه وحاولوا مع شهاب الدين ولكن كان كل شئ انتهي واسترد الله أمانته

خرج الطبيب لبدر الدين

الطبيب :we are sorry

بدر الدين تماسك ولم ينهار ولكنه قبض علي يده حتي ابيضت

بدر الدين :وديني لادفعك الثمن غالي اوي يا سراج الدين انت وولادك انا عملكم الأ**د ثم قطع حديثه مع نفسه شخص يهتف باسمه

رائد :بدر بدر

بدر الدين :بابا مات يا رائد

رائد :البقاء لله ربنا يرحمه شد حيلك

بدر الدين : اعمل الإجراءات الازمه والتصاريح بسرعه عايز انزل مصر بأسرع وقت

رائد :تمام يا بدر اطمن

بدر :مش هطمن غير لما انزل مصر وادفن ابويا وافوق للي جاي

رائد :انت ناوي على ايه يا بدر

بدو :مش وقته اعمل اللي قلت لك عليه

انصرف رائد لاكمال الإجراءات للعوده الي مصر واقامه الجنازه والدفن والعزاء

في القاهره

في فيلا صغيره يشوبها الدفء والحنان نجد سيده تجلس علي مائده الطعام وتهتف

صافيه :سهر يا سهر

تنزل سهر من علي الدرج :نعم يا مامي

صافيه :تعالي ساعديني في توضيب الفطار داده سعاد اجازه النهارده

سهر :يعني عشان داده سعاد اجازه اشتغل انا ليكوا داده

قاطع كلامها ض*به علي راسها من الخلف من شقيقها ساهر

ساهر :انت تطولي تبقي الداده بتاعتنا

التفتت سهر ونظرت له :وانت عايزه داده يا بطه

امسكها ساهر من ملابسها مثل اللصوص :تقصدي مين بالكلام ده يا بت

سهر :مقصدكش انت والله يا بيه

ساهر :ايوه كده اتعدلي يلا روحي ساعدي ماما عايز افطر قبل ما انزل

سهر :هو مفيش في البيت ده غيري ما فيه واحده تانيه فوق اسمها ليالي

ليالي وهي تنزل الدرج

ليالي :ستك ليالي يا بت احترمي نفسك

سهر :نعم يا ختي

ليالي :اه مش انت الشغاله الجديده

ضحك ساهر :تصدقي الشغاله احسن من الداده لايقه عليكي اكتر

ركضت سهر خلف ليالي :انا شغاله طيب انا هوريكي

ركضت ليالي حتي صدمت بعمها زين الدين

زين الدين :علي مهلك يا لوله بتجري ليه

ليالي :الحقني يا بابا المتوحشة بتجري ورايا

سهر :انت فاكره ان الحج هيحميكي بعد اذنك يا حج سكه كده انا مش هعمل لها حاجه انا هعضها بس

ليالي :لا يا بابا اوعي تسيبها عليا

ساهر :متخافيش يا لوله حتي لو عضتك هي مطعمه

سهر :كده ماشي تعالي بقي انت كمان

ضحك زين الدين عليهم :امكم لو شافت اللي عملتوه في البيت هي اللي هتعضكم

ليالي :يا لهوي يلا بسرعه نرجع كل حاجه مكانها

اسرعوا بوضع كل شئ في مكانه ولكن فجأه شعرت ليالي بالتعب وسقطت علي الكرسي وهي تحاول أن تتنفس

سهر بفزع :لي لي مالك يا حبيبتي

ليالي :مفيش الظاهر اني تعبت من الجري

ساهر :مالك يا حبيبتي انت كويسه

ليالي :متخافش يا دكتور انا تمام

صافيه :في ايه مالك يا لوله

ليالي :ما تخافيش يا ماما انا تمام انا حتي هقوم اساعدك تحضري الفطار

قامت ليالي من الكرسي ولكنها سقطت فاقده الوعي

فزع الجميع وهتف :ليالي

حملها ساهر ووضعها علي الاريكه وطلب من سهر إحضار حقيبته

ساهر :هاتي الشنطه من فوق يا سهر بسرعه

سهر :حاضر حاضر يا ابيه

صافيه :انا قلت لكم قبل كده بلاش الهزار البايخ ده

ساهر :اطمني يا ماما ان شاء الله هتبقى كويسه

أتت سهر ومعها الحقيبه :اهه يا ابيه

قام ساهر بفحصها

زين الدين :ايه يا ساهر

ساهر :مفيش يا بابا هي بس ضعيفه شويه ماتقلقوش هتفوق دلوقت

فاقت ليالي :اه ايه اللي حصل

نظر لها ساهر :انت بقي لك قد ايه موقفه الفتامينات

ليالي :أصلها خلصت وانا نسيت اقولك

ساهر :اسمعي يا ليالي الكلام ده ماينفعش تحبي احجزك في المستشفي

ليالي :لا لا خلاص هسمع كلامك

زين الدين :كده تقلقينا عليكي يا حبيبتي ماينفعش كده

ساهر :اسمعي بقي يا ليالي لو اللي حصل ده اتكرر تاني انا هحجزك في المستشفي وانت عارفه بقي يعني ايه

ليالي :لا والله حرمت

ساهر :عقابا ليكي بقي هتاخدي حقنه فيتامينات

ليالي :لا حقنه لا ارجوك يا ابيه

ساهر :خلاص يا لي لي مفيش تراجع امسكها لو سمحت يا بابا عشان ما تهربش

ليالي :تصرخ بصوت عالي فهي تخشي الحقن ولديها هلع منها

حضر ساهر الحقنه وما ان رأتها ليالي حتي فقدت الوعي مره اخري

صافيه :ايه ده يا ساهر حصل لها ايه

ساهر :متخافيش يا ماما ده من الخوف وكده احسن عشان ماتحسش بيها

اعطي ساهر الحقنه لليالي ثم قام بافاقتها

فاقت ليالي وهتفت :انا بكرهك يا ابيه ومش هكلمك تاني

ساهر : عارف وانا بموت فيكي يلا عشان تروحي الجامعه هتقدرى تسوقي ولا اجي اوصلكم

سهر :ما تقلقش يا ابيه انا اللي هسوق

ساهر :ماشي تمام يلا طريقكم أخضر

صعدت ليالي وسهر ليجهزوا لكي يذهبوا الي الجامعه

صافيه :انا خايفه علي ليالي اوي يا ساهر

ساهر :ما تقلقيش يا ماما هي مفيش فيها حاجه هي بس ضعيفه ومش بتستحمل المجهود الكتير

صافيه :انا خايفه تكون زي مامتها

ساهر :انا شايف ان مفيش اي داعي للقلق وعشان تطمني يا ستي لما تخلص امتحانات هحجزها عندي في المستشفي واعمل لها فحوصات كامله وانا متأكد انها كويسه ومش عشان والدتها الله يرحمها كان قلبها ضعيف هتبقي زيها اطمني

صافيه :يارب

في مكان آخر داخل شركه الشهاب للاستيراد والتصدير داخل مكتب رئيس مجلس الاداره

بدر الدين :الكلام ده ما ينفعنيش يعني ايه مش قادر توصل له أو توصل لحد من أولاده انا مكلفك بالمهمه دي من 3 شهور وفي الاخر راجع تقولي ما وصلتش لحاجه

شخص :يا باشا احنا دورنا في كل سجلات الشركات مفيش شركه باسمه ودورنا في كل سجلات المسافرين بره البلد مفيش برده

رائد :طب ما ندور في أسماء طلبه الجامعه

بدر :عندك حق ازاي راحت عن بالي الفكره دي ووجه حديثه الي الشخص :دور في سجلات طلبه الجامعه علي اي حد يكون اسمه سراج الدين المنشاوي قدامك اسبوع وتبلغني بالنتيجه

شخص :تحت امر حضرتك يا باشا بعد اذنك

انصرف الشخص

رائد :اهدي يا بدر عشان تعرف تتصرف صح

بدر :مش قادر يا رائد اصبر اكتر من كده انا وعدت بابا الله يرحمه اني مش هخليهم يتهنوا بحياتهم ابدأ

رائد :هانت قربنا نوصل لهم

بدر :امتي ييجي اليوم ده

بعد مرور اسبوع داخل شركه الشهاب داخل مكتب بدر الدين

بدر :انت متأكد من المعلومات دي

الشخص :طبعا يا باشا

بدر بابتسامه انتصار :حلو اوي سيب الملف ده وروح الحسابات خد حسابك

الشخص :انا تحت امر حضرتك يا باشا وانصرف الشخص

التقت بدر هاتفه واتصل برائد لكي يحضر له حيث أن رائد يشغل منصب المدير التنفيذي لمجموعه شركات الشهاب

شهاب :بدر باشا

بدر :تعالي حالا يا رائد

رائد :ثواني واكون عندك

دلف رائد الي مكتب بدر ووجد علي وجهه ابتسامه سعاده

رائد :باين عليك مبسوط حصل

بدر :حصل

رائد :طيب احكي لي

بدر :لقينا بنت في كليه الفنون الجميله اسمها ليالي سراج الدين زكي المنشاوي ولقينا معاها في نفس الدفعه بنت اسمها سهر زين الدين خليل المنشاوي

رائد :زين الدين خليل المنشاوي ده يبقي عمك

بدر :اه بس انا عمري ما شفته هو وبابا كانوا مقاطعين بعض من سنين مش مهم كل ده

رائد :امال ايه المهم

بدر :ليالي سراج الدين زكي المنشاوي

رائد :بنته

بدر :ايوه بنته هو للأسف مات من 10 سنين وملوش غير بنته ليالي بس مش مشكله بنته تدفع ثمن غدره وخيانته لابويا

رائد :بس بنته ملهاش ذنب يا بدر

بدر :وانا كان ايه ذنبي لما غدر بأبويا ورماه في السجن وخ*ف مراته منه وحرمني من ابويا وامي واترميت في مدرسه داخليه مفيش حد هيقدر يمنعني عن اللي ناوي اعمله

ثم حمل صوره ليالي ونظر إليها :اهلا بيكي في الجحيم يا ليالي