Nakaupo sa paanan ng kama niya si Warson sa loob ng kanyang kwarto. Tutok na tutok ang mga mata nito sa telebisyon, halata sa mukha ang panggigigil. Mahigpit ang hawak sa game controller habang dinidiin ng todo ang pagpindot niya sa kinakailangang pindutan.
Naglalaro siya ngayon ng basketball na kanyang paborito.
“Konti na lang,” nagtatagis ang bagang na sabi niya. Gusto niyang manalo kaya naman pinagbubuti niya ang bawat galaw at pagtira ng bola.
“Yes!!!” Malakas na nagbunyi si Warson ng manalo ang team niya kontra sa kalaban. Abot-tenga ang kanyang ngiti.
Mula naman sa banyo, lumabas ang bagong ligo na si Warren na napatigil sa pagpupunas ng basang buhok at hinagis ang hawak na bimpo sa isang tabi nang makita niya si Warson na naglalaro. Napangisi ito.
“Ang daya mo naman, Bro! Inaya
