Kakauwi lamang ni Warson sa mansyon. Galing siyang eskwelahan at tinapos ang huling klase. Bakas pa rin sa mukha niya ang sobrang inis dahil sa mga nangyari kanina. Sa mahabang panahon na nag-aaral siya sa eskwelahang iyon, ngayon lamang siya nakatagpo ng mga ganoong klaseng tao. Ang isa ay nagawang gawin ang isang bagay na dapat ay pribado pero walang pag-aalinlangang ginawa iyon sa harapan niya, ang isa naman ay tila inaakit siya.
Napailing-iling si Warson. Hindi na dapat niya iyon iniisip ngunit hindi niya pa rin maiwasan lalo na at may bahagi sa kanya na... apektado. Hindi niya maintindihan kung bakit apektado siya gayong dapat ay wala lang ito sa kanya.
Humugot nang malalim na hininga si Warson. Pinilit na lang niya ulit alisin iyon sa kanyang isipan at sistema. Dumiretso na lamang
