CHAPTER 47
THE MAFIA LADY BOSS
JOEMAR ANCHETA
Pinagmasdan niya ang kasintahan niya nang matagal bago parang hirap ang kalooban niyang iwan ito. Kinakabahan siyang parang may mangyayari. Ngunit naghihintay si Leigh sa kanya. Kailangan na niyang umalis. Hindi niya lang sigurado kung kinakabahan siya dahil sa iiwan niya si Avi na mag-isa o dahil may masamang mangyayari sa pagitan nila ni Leigh. Kailangan niyang kumuha ng bala at armas. Hindi niya lubos na kilala ang kasama at pinaghihinalaan niya rin ito.
Mabilis niyang tinalunton ang daan papunta sa gate sa likuran ng kanilang subdivision. Wala halos dumadaan sa gate na iyon dahil malayo ang iikutan kaya siguro doon napili ni Leigh na sunduin siya para na rin sa kanilang kaligtasan. Naabutan na niya ang sasakyan ni Leigh na nakaparada
