CHAPTER 38
THE MAFIA LADY BOSS
Joemar Ancheta
"Excuse, excuse me..." narinig din niyang tinuran ni Liam na sumusunod din sa kaniya sa pagpunta sa harap ng bus.
"Aba mukha yatang hindi siya tatantanan," bulong niya sa sarili. Balak pa yata siyang sundan hanggang sa makababa.
Huminto ang bus. Mabilis siyang bumaba at sumunod din si Liam sa kaniya. Pagkababa ni Liam ay hindi na siya nakapagpigil pa. Isang malakas na suntok ang pinakawalan niya sa panga nito.
"Hayup ka! Piliin mo ang mamanyakin mo, gago!" singhal niya. Sa kagaya niyang may pinagdaanan na panggagahasa, kahit sino pa na nasa kalagayan niya, kahit pa ang taong minahal niya kung pakiramdam niya ay binabastos siya ay iyon at iyon ang kanyang gagawin. Bumalik kasi sa lahat sa alaala niya nang gabing pinagsamantalah
