CHAPTER 13
CINDY's POV:
"SIGE PO NINONG, PAPASOK NA AKO," saad ko kay ninong Jacob nang makarating ang sasakyan niya sa University na siyang pinapasukan ko.
Dali-dali na akong bumaba ng kotse nang masilayan ko si Xandro. Ang lalaking patay na patay sa akin at walang kasawaan sa pangungulit para lang gustuhin ko siya.
Ito na yata ang tamang tiyempo para pansinin ang binata dahil magagamit ko siya para gisingin ang natutulog na puso ni Ninong.
Nagkaroon na kasi ako ng ideya para makuha ko ng buong-buo ang atensyon at pagmamahal ni ninong Jacob. And yes, idadaan ko ito sa paraan na ayaw niyang gawin ko.
Kung hindi ko siya madaan sa mabilis na gapangan, pipiliin kong idaan ito sa selosan.
Ilalaan ko ang oras ko sa mga lalaking nagkakagusto sa akin nang sa gano'n ay umiral ang galit
