"Dito po ang learning area ng mga bata. Medyo siksikan na kaya naman 'yong mga teenager ay nasa kabilang area na." Binuksan ni Precious Pearl ang pinto at bumungad sa amin ang learning area, at tama ito siksikan na nga. Behave naman ang mga bata na ikinangiti ko. Nakakagaan ng loob na makakita ng mga batang katulad nila. Pero mas magaan ang loob ko kung makahanap ng pamilya ang mga ito na tunay na kukupkop sa kanila.
"Bukod sa facility, ano 'yong pwede pang maitulong ng tulad ko sa foundation?" tanong ko rito nang marahang isara na nito ang pinto.
"Sa totoo lang po, kailangan po namin ng food donation. Hindi man maamin ni Director Janelski pero nasho-short po ang budget para sa pagkain. Dati po kahit volunteers ay may budget sa food. Pero ngayon, kailangan na naming magbaon or magdala
