Bahagyang napakunot ang noo ko nang biglang pumasok si Miss Tacuyan sa classroom, e hindi naman namin siya guro ngayong araw. Nakakapagtaka pa dahil may kasama siyang tatlong estudyante, ngunit agad ko ring napagtanto kung bakit sila maaaring nandito.
“Good morning, class,” bati niya sa ‘min kaya napatayo na kami upang batiin din siya.
“Good morning, Miss!” tugon namin at umupo na.
“Pasensya na. Kinailangan ko talaga kayong kitain ngayong araw dahil may bago kayong magiging kaklase,” pagpapatuloy niya at saka pinagitna na sa harap namin ang dalawang babae at isang lalaki.
Sumunod naman ang tatlo habang naririnig ko na ang bulong-bulungan ng mga kaklase ko. Hindi ko alam ang totoong dahilan kung bakit sila nandito pero sa tingin ko pinalipat sila para maging pantay muli ang bilang n
