“Miguel…”
Bahagya akong natigilan nang marinig ko ang second name ni Owen. Kagagaling ko lang sa restroom. Nandito pa kami sa bahay nila Demitri. Hinihintay na lang kasi namin ‘yong magsusundo sa amin dahil halos lahat kami ay susunduin na lang. Sumilip ako kung saan nanggagaling ang tinig na ‘yon. Iyon pala ay nasa terrace pa rin sila Demitri at Owen. Hindi pa sila nakakababa at mukhang may pinag-uusapan pa silang importante. Sa tono pa lang ng boses ni Demitri, ramdam ko nang may gusto siyang sabihin.
Paalis na sana ako upang hayaan na lang sila nang marinig ko na naman ang pangalan ko. Mula pa kay Demitri.
“What about Alysha? Totoo bang kapatid lang ang turing mo sa kanya?” aniya.
Nanatili ako upang pakinggan ang pinag-uusapan nila. Hindi muna ako bumaba, narinig ko ba naman ang
