CHAPTER 19
Marahas na ilinapag ni Lyn ang ilang diyaryo sa ibabaw ng kama kung saan naroon si Kier. Mula sa pagkakasandal sa headboard ng kama ay pahablot niyang kinuha ang mga ito at pinasadahan ng tingin.
"Laman ka halos ng lahat ng balita, Kier," imporma sa kanya ng babae. Ilinapag nito ang bag na dala sa mesang naroon at naupo sa kanyang tabi.
Nasa bahay sila ng pinsan nito sa may Laguna. Ang pinsan nito, ayon na rin kay Lyn, ay kasalukuyang nasa Davao at umuwi sa probinsiya ng mga ito. Mula sa tinutuluyan nitong maliit na bahay sa may Quezon City ay pumunta sila sa Laguna matapos nitong kunin ang lahat ng laman ng kanyang ATM cards.
"So, mas nautakan ka pala ng ama ng kasintahan mo," sarkastiko nitong pahayag sa kanya.
Naniningkit ang kanyang mga mata nang ibinaling niya dito ang
